Qazaqstan Respýblıkasy Prezıdentiniń Jarlyǵy №173

«Qazaqstan Respýblıkasyndaǵy kásiptik jáne ózge de merekeler týraly» Qazaqstan Respýblıkasy Prezıdentiniń 1998 jylǵy 20 qańtardaǵy № 3827 Jarlyǵyna ózgeris pen tolyqtyrý engizý týraly «Qazaqstan Respýblıkasyndaǵy merekeler týraly» 2001 jylǵy 13 jeltoqsandaǵy Qazaqstan Respýblıkasy Zańynyń 4-babyna sáıkes qaýly etemin: 1. «Qazaqstan Respýblıkasyndaǵy kásiptik jáne ózge de merekeler týraly» Qazaqstan Respýblıkasy Prezıdentiniń 1998 jylǵy 20 qańtardaǵy № 3827 Jarlyǵyna (Qazaqstan Respýblıkasynyń PÚAJ-y, 1998 j., № 1, 1-qujat) mynadaı ózgeris pen tolyqtyrý engizilsin: joǵaryda atalǵan Jarlyqpen bekitilgen Qazaqstan Respýblıkasyndaǵy kásiptik jáne ózge de merekelerdiń tizbesinde: 1-tarmaq mynadaı redaksııada jazylsyn: «1. Alǵys aıtý kúni – 1 naýryz»; mynadaı mazmundaǵy 1-1-tarmaqpen tolyqtyrylsyn: «1-1. Geolog kúni – sáýirdiń birinshi jeksenbisi». 2. Osy Jarlyq alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV Astana, Aqorda, 2016 jylǵy 14 qańtar  №173