Kóshpeli alqa májilisi

Taraz garnızonynda Qorǵanys mınıstrliginiń kóshpeli alqa májilisi ótti. Oǵan Qorǵanys mınıstrligi bas­shy­lyǵynyń ókilderi, departamentter men basqarmalardyń basshylary, «Oń­tústik» óńirlik qolbasshylyǵy qura­malary men bólimderiniń basshylary qatysty. Kóshpeli otyrys praktı­kasy alǵash ret engizilip otyr. «Ońtústik» óńirlik qolbas­­shylyǵynda ótkizilip jatqa­ny da jaıdan-jaı emes. О́ıt­keni, ońtústik baǵyt strate­gııalyq baǵyttardyń biri bolyp tabylady. Osyǵan baı­la­nysty, «Ońtústik» óńir­lik qolbasshy­lyǵynyń ásker­lerine Mem­leket basshy­sy­nyń, sondaı-aq, Qorǵanys mınıstr­liginiń tarapynan erekshe kóńil bólinedi. «Osy jyly «Ońtústik» óńir­lik qolbas­shy­lyǵynda alǵash­qy alqa májilisin ótkizýi­miz kezdeısoq emes. Sebebi, bul jaýyngerlik, je­del-aýmaqtyq jáne jumyldyrý jaǵynan eń iri quralym bolýymen birge, Qarýly Kúshteri­miz geosaıası aýqymda eldi qorǵaý jóninde jaýyn­gerlik tapsyrmalardy oryndaıtyn mańyzdy strategııalyq shep», – dep atap ótti qorǵanys vedomstvosynyń basshysy Imanǵalı Tasmaǵambetov. Áskerlerdiń jaýyngerlik ázirligi men jaýyn­gerlik qabilettiligi áskerı tártip pen quqyqtyq tártiptiń jaı-kúıine tikeleı baılanysty. «Ońtústik» óńir­lik qolbasshylyǵynyń ásker­lerindegi osy tustaǵy máse­leler búgingi otyrystyń ne­gizgi sebebi boldy. Osyǵan baı­lanysty, «Ońtústik» óńir­lik qolbasshylyǵy qurama­lary men bólimderiniń áske­rı tártibi men quqyqtyq tárti­biniń jaı-kúıi týraly másele qaraýǵa usynyldy. «Udaıy jaýyngerlik ázirliktegi barlyq bólimsheler jedel den qoıýdyń ujymdyq kúshteri rejiminde áreket etýi tıis. Bul týraly Elbasy – Joǵarǵy Bas qolbasshy Qarýly Kúshterdiń basshylyq quramymen jýyrdaǵy kezdesýi barysynda erekshe qadap aıtty. Bul fakt basshylyqtyń Joǵarǵy Bas qolbasshynyń talaptaryna saı kelýin ǵana emes, jaýyngerlik qabilettiliktiń joǵary dárejesinde bolýyn da mindetteıdi», – dep erekshe atap ótti Qorǵanys mınıstri Imanǵalı Tasmaǵambetov. Kóshpeli alqa májilisiniń mańyzdy aspektisi «Ońtústik» óńirlik qolbasshylyǵyn ári qaraı jetildirý jóninde ózekti máselelerdi kóterý jáne sheshý bolǵanyn aıta ketý qajet. Sondaı-aq, tárbıe jumysynyń fýnksıonaldyǵy men pándik júıelendirilýin arttyrý máseleleri qozǵaldy. «Egemen-aqparat».