Asyq oınaıtyn alǵashqy taqta

Pavlodar oblysy, Kachır aýdany, Trofımovka orta mektebinde jumys isteıtin muǵalim Berik Ábdi­rahmanov balalardyń asyq oınaýlary úshin arnaıy taqta jasap berdi. Ol osylaısha elimizdegi osyndaı eń alǵashqy asyq ústeliniń ómirge kelýine muryndyq boldy. Ideıa avtorynyń aıtýynsha, ústeldiń dıametri bir metrdi quraı­dy eken. – Mektebimizde toǵyzqumalaq úıirmesi jumys jasaıdy. Onda sol sııaqty doıby, shahmat jáne asyq oıyndary da úıretiledi. Mundaǵy ár oıynnyń ózine tán arnaıy ústeli bar, al asyqta on­­daı múlik bolǵan emes. Son­dyq­tan arnaıy ústeldi jasap shy­ǵýǵa táýekel ettim, – deıdi B.Ábdirahmanov. Trofımovka orta mektebinde qazaq tili men ádebıet pániniń muǵalimi bolyp eńbek etetin Berik Ábdirahmanovtyń aıtýynsha, ol osymen asyq oınaıtyn ústeldiń úshinshi túrin ómirge keltirgen. Onyń budan buryn da eki túrin jasap shyǵarǵan kórinedi. – Birinshi túri tórt buryshty bolǵan edi, keıin ony segizburyshty etip jasadym. Alaıda, sheńberlisi eń yńǵaılysy degen tujyrymǵa keldim. Aldaǵy ýaqytta muny da túrlendirý oıymda bar. Sebebi, utyp alǵan asyqtardy ornalastyratyn arnaıy jerler joq. Ústel hantalapaı oıynyna arnalǵan, – deıdi 37 jastaǵy avtor. Sheber keleshekte qazaqtyń ult­tyq oıyny – saqany da úıir­mege engizbekshi. Ol bul úshin dalada ótkiziletin oıynǵa arnaıy oryn da belgilenip qoıǵan. Buǵan qosa, mektep muǵalimi túrli asyq oıyny boıynsha mek­tepishilik jarystar ótkizip turady. Oǵan arnalǵan kýbokty da ózi jasap alypty. Damır QOJAMQUL.