ASTANA. 16 qańtar. Belgili Gollıvýd akteri Leonardo Dı Kaprıo nemistiń Welt am Sonntag basylymyna bergen suhbatynda Reseı prezıdenti Vladımır Pýtınniń rólin somdaǵysy keletinin aıtty. Bul týraly RIA «Novostı» agenttigine silteme jasaǵan egemen.kz tilshisi habarlady.
«Pýtınniń róli óte sátti bolady dep oılaımyn. Men Reseı Federasııasy prezıdentin oınaýǵa qýana keliser edim», – deıdi akter.
Sondaı-aq, Dı Kaprıo birneshe jyl buryn Sankt-Peterbýrgte sibir jolbarystaryn qutqarý jónindegi forýmda Vladımır Pýtınmen kezdeskenin eske aldy.
«Meniń qorym atalǵan jabaıy mysyqtardy qorǵaý jónindegi birneshe jobalarǵa qarjylaı qoldaý kórsetti. Kezdesýde Pýtın ekeýmiz tek osy ǵajaıyp ań týraly aıtyp, áńgimemizge eshqandaı saıasatty qosqan joqpyz», – degen kıno juldyzy Reseı tarıhyna qaıran qalatynyn jetkizdi.
«Menińshe, Lenınniń obrazy da fılmge suranyp tur. Odan bólek Raspýtınniń rólin de oınaǵym keledi. Men orys tarıhy týraly fılmder kóp bolýy kerek dep sanaımyn», – deıdi dańqty akter.
Elaman Qońyr.
Derek, sýret: RIA «Novostı».
