Tuńǵysh ret Taıvan basshylyǵyna áıel adam saılandy

ASTANA. 16 qańtar. Tarıhta tuńǵysh ret Taıvan ákimshiliginiń basshysy bolyp áıel adam saılandy. Saılaýda oppozısııalyq Demokratııalyq órleý partııasynyń jetekshisi, 59 jastaǵy Saı Invendi saılaýshylardyń 58,1 paıyzy qoldap, daýys berdi. Bul týraly Interfax.ru saıtyna silteme jasaǵan egemen.kz tilshisi habarlady. Saılaýdyń sońǵy qorytyndysy áli jarııalanǵan joq. Soǵan qaramastan, Saı Invenniń basty qarsylasy, saılaýǵa qazirgi bıleýshi partııa «Gomındannyń» atynan qatysqan Erık Chý jeńilgenin moıyndady. Ol aldyn ala nátıje boıynsha 32,5 paıyz daýys jınap, ekinshi orynǵa taban tiregen. Erık Chý jaqtastaryna jasaǵan málimdemesinde: «Biz jeńildik. О́te ókinishti. «Gomından» saılaýda jeńilis tapty. Biz laıyqty deńgeıde jumys jasaı almadyq. Sondaı-aq, saılaýshylardyń senimin de aqtamadyq», – dedi. Aıta keteıik, Taıvanda ákimshilik basshysymen qatar, jergilikti parlamenttiń 113 múshesin saılaý naýqany da ótti. Elaman Qońyr. Derek: Interfax.ru. Sýret: reuters.com.