Ata Zańǵa saı qadam

Elbasy Nursultan Nazarbaev Konstıtýsııalyq keńes tóraǵasy Igor Rogovpen konsýltasııa ótkizdi, dep habarlady Prezıdenttiń baspasóz qyzmeti. Kezdesý barysynda kezekten tys Parlament saılaýyn ótkizý máselesi talqylandy. Memleket basshysy Májilis depýtattarynyń úndeýin alǵanyn, onda atalǵan bastamaǵa reformalardy jáne memleket belgilegen daǵdarysqa qarsy sharalardy tıimdi júzege asyrý qajettigi negiz bolǵanyn atap ótti. Sonymen qatar, Qazaqstan Prezıdenti Parlamenttiń qos palatasynyń tóraǵalarymen jáne Premer-Mınıstrmen konsýltasııa ótkizgenin aıtty. I.Rogov Konstıtýsııanyń 63-babynyń 1-tarmaǵyna sáıkes, Parlamentti nemese Parlament Májilisin Qazaqstan Prezıdenti Parlament palatalarynyń tóra­ǵa­larymen jáne Premer-Mınıstr­men konsýltasııadan keıin tarata alatynyn aıtty. Sonymen birge, Konstıtýsııalyq keńes tóra­ǵasy kezekten tys saılaý Parla­ment nemese Parlament Máji­lisi ókilettigin merziminen buryn doǵarǵan kúnnen keıin eki aı ishin­de ótkiziletinine nazar aýdardy. I.Rogov Májiliske kezekten tys saılaýdy aldaǵy barlyq deń­geıdegi máslıhattar saılaýymen bir mezgilde ótkizý Konstıtýsııa normalaryna tolyq saı keletinin atap ótti. Sýretterdi túsirgender S.BONDARENKO, B.OTARBAEV.