Qazaqstan armıandary qaýymdastyǵynyń MÁLIMDEMESI

Qazaqstan armıandarynyń qaýymdastyǵy Qazaqstan damýynyń qazirgi kezeńdegi mańyzyn túsine otyryp, Parlament depýtattarynyń Májilis pen barlyq deńgeıdegi máslıhattar depýtattarynyń kezekten tys saılaýlaryn ótkizý jónindegi bastamasyn salmaqty da ýaqtyly qadam dep baǵalaıdy. Qazaqstannyń basty qundylyqtary – beıbit­shilik pen kelisim bizge búkil álemde tanylǵan tıimdi qoǵam qurýǵa múmkindik beredi. Jáne qazir, Ult Josparynda qarastyrylǵan mańyzdy jańǵyrtýlar tabaldyryǵynda turǵan kezimizde, barlyq partııalarǵa saılaýǵa qatysý múmkindiginiń berilýi, bizdiń kózqarasymyzsha ádil de salıqaly sheshim bolyp tabylady. Ol barlyq partııalarǵa halyq seniminiń barlyq saılaý úderisterinen ótip, elimiz úshin mańyzy zor kezeń suranystaryna jaýap beretin Májilis pen máslıhattar qalyptastyrýǵa jaǵdaı týǵyzbaq. Biz jańadan saılanǵan depýtattyq korpýs Prezıdent reformalaryn júzege asyrýdyń tıimdi tetigi bolyp qana qoımaı, olardy oryndaýdyń bas­ty sharty – elimizde beıbitshilik pen kelisimniń saltanat qurýyn qamtamasyz etetinine senimdimiz.