Soltústik Qazaqstanǵa 400 otbasy qonys aýdarady

PETROPAVL. 19 qańtar. Bıyl Ońtústik Qazaqstan oblysynan Qyzyljar óńirine 400-ge jýyq otbasy qonys aýdarady dep kútilýde. Bul týraly oblys ákiminiń baspasóz qyzmetine silteme jasaǵan egemen.kz tilshisi habarlady. Búgingi kúni kóship kelýge nıet bildirgen otbasylardyń jartysyna jýyǵy «Jumyspen qamtý 2020 jol kartasy» baǵdarlamasy aıasynda jumyspen, baspanamen qamtylmaq. Al qalǵandary úshin jumyspen qamtý jáne áleýmettik baǵdarlamalar basqarmasy tarapynan tıisti qujattar rásimdelip, jumystar qarastyrylýda. Byltyr ornyqqan otandastarymyzdyń deni qurylys, bilim berý, aýyl sharýashylyǵy men medısına salalarynda eńbek etedi. Eske salsaq, ótken jyldyń maýsym aıynda ońtústikte Soltústik Qazaqstan oblysynyń delegasııasy bolyp, jumysqa qabiletti azamattardy turaqty eńbek etýge shaqyryp, naqty áleýmettik kómekter kórsetiletine, onyń ishinde, jumys berýshilerdiń esebinen 53 turǵyn úı, 3 páter, jataqhana beriletinine sendirgen edi. Ile-shala ońtústik óńirdiń delgasııasy osynda kelip, 13 aýdannyń eńbek naryǵynyń jaǵdaıymen tanysyp qaıtqan bolatyn. Qazir ońtústik jaqtan kelgen jarty myńǵa jýyq jastar túrli oqý oryndarynda dáris alady. О́mir Esqalı. Derek: egemen.kz. Sýret: photogoroda.com.