Mektepke sanksııa salyndy

«Sanksııa» degen sózden qulaq sarsydy. Bul sanksııa degenińizdiń júrmeıtin jeri joq eken. Soltústiktegi kórshimizdiń eki aıaǵyn bir etikke tyqqan bul shirkin Saryarqanyń saıyn dalasynda buıyǵyp jatqan Qaraǵoı aýylynda ne joǵaltty eken? Aqtoǵaı aýdanyndaǵy Qa­ra­ǵoı aýylynyń bastaýysh mek­tebi biliktilik talaptaryna saı kelmegendikten jabylyp, sank­sııanyń sheńgeline ilikti. Nege deseńiz, atalǵan mektepte medısı­nalyq bólme medbıkesimen qosa joq eken. Ashanany atamasa da bolady. Qustyń uıasyndaı ǵana Qa­raǵoı mektebinde 8 oqýshy, 2 mu­­ǵalim jáne 3 tehnıkalyq qyz­met­ker bolǵan. Aýdandyq bilim berý bóliminiń basshysy Qanat Bákirovtiń aıtýynsha, tıisti oryn­dar atalǵan kemshilikterdi budan bir jyl buryn anyqtaǵan eken. Biraq ta, ózine deıingi bas­shy kemshiliktermen der ke­zin­de kúrespeı, endi kelip salǵyrttyqtyń kesiri mektepke tıip otyr... Jaqynda bolǵan sot otyrysy «Qaraǵoı aýylynyń bastaýysh mektebi» mekemesin ákimshilik quqyq buzýshylyq jasaǵany úshin kináli dep tapty. Mektepke memle­kettiń paıdasyna dep 100 aılyq eseptik kórsetkish kóleminde (198 200 teńge) aıyppul salyndy jáne ol budan bylaı bilim berý isimen aınalysý quqynan aıyryldy. Qazirgi tańda jergilikti bı­lik sanksııa salynǵan Qaraǵoı mekte­biniń oqýshylary men ustazdaryn basqa bilim uıasyna ornalastyrýmen aınalysyp jatyr. Qaırat ÁBILDINOV, «Egemen Qazaqstan». Qaraǵandy oblysy, Aqtoǵaı aýdany.