Shegelengen shejire

Jaqynda Ulttyq mýzeıde «Tarıhı fotosýretter» baıqaýynyń jeńimpazdaryn marapattaý rásimi ótti. Nazarbaev Ýnıversıtettiń ákimshilik qyzmetkeri, áýesqoı fotograf Qanat Nurtazınge – «Qazaq handyǵynyń 550 jyldyǵy», Petropavl qala­syndaǵy «Soltústik Qazaq­stan» baspahanasynyń fototilshisi Vadım Mýdarısovke – «Uly Jeńistiń 70 jyldyǵy», «Ońtús­tikfılm» memlekettik mekemesi dırektorynyń orynbasary, kásipqoı fotograf Maqsat Sha­ǵyr­baevqa «Konstıtýsııanyń 20 jyldyǵy» jáne «Qazaqstan halqy Assambleıasynyń 20 jyldyǵy» atalymdary boıynsha júldeler tabystaldy. Eske sala keteıik, ótken jyl­dyń aqpan aıynan bastaý alǵan fotosýretshiler baıqaýy osy aralyqta 300-den astam týyndyny sarapqa sala kelip, Qazaqstannyń ótken tarıhy men Uly Dala kóshin kórkem beınede baıandaıtyn ónerdiń sırek túri arqyly taǵylymdy jobany alǵa ozdyrdy. Úzdik úshtiktiń 21 qańtar men 21 aqpan aralyǵyndaǵy fotoshejiresi qazaq tarıhynyń asa mańyzdy oqıǵalaryna qoǵam nazaryn aıryqsha aýdarýymen tushymdy. Basty maqsat – ol arqyly jas urpaqtyń boıyna týǵan eldiń bolashaǵy men tól tarıhyna degen qurmet sezimin qalyptastyrý bolyp tabylady. Jobanyń ereksheligi, baıqaýǵa tanymal 27 fotograf óz jumysyn usynǵan bolatyn. Báıgeniń taǵy bir qy­ry, oǵan kásibı jáne áýesqoı fo­tograftardyń qatysýyna birdeı múmkindikter týǵyzyldy. Birinshi týrda týyndylardyń erejege saı kelýi men kásibı turǵydan oryndalý jaǵy esepke alynsa, ekinshi týrda sýretter taqyrypty joǵary deńgeıde kórsete alýymen baǵalandy. Sondaı-aq, joba sharty boıynsha ár sýretshi aıtýly merekelerdiń rýhyn asqaqtatýda aıshyqty izder qaldyryp, tórt nomınasııany qatar qamtýlary tıis edi. О́kinishke qaraı, bul talap údesinen qatysýshylardyń eshqaısysy kórine almady. Sol sebepti jekelegen taqyryptar boıynsha nomınasııalar bel­gilendi. – О́tken jyl aıtýly mere­kelerimen este qaldy. Osyǵan oraı biz respýblıkalyq fo­to­baıqaý jarııalaǵan bolatynbyz. Baıqaý tar aýqymda, belgili bir taqyryppen shektelip qalǵan joq, munda Qazaqstannyń tynys-tirshiligi men kókjıegi jan-jaqty qamtylyp, qas-qa­ǵym sáttegi oqıǵalar foto­tarıhqa aınaldy, – dedi baıqaý jeńimpazdaryn marapattaý rásiminde Ulttyq mýzeıdiń dı­rektory Darhan Myńbaı. Ulttyq mýzeıdiń elimizdiń tarıhı, mádenı ómirindegi jańalyqtardy nasıhattaýdaǵy mundaı is-sha­ralary aldaǵy ýaqytta da jal­ǵasa beretinin til­­ge tıek etken basshy: «Árıne, bul mundaǵy ıgi bastamalardyń sońy emes, jáne de osy taqylet­tes fotobáıge odan ármen qa­raı jal­ǵasyn tabady degen senim­demiz. Shara barysynda bir baıqaǵa­nymyz, bizge áli de bolsa fotoóner salasyn damytýdy, fotoónerge degen qyzyǵýshylyqty arttyrýdy qolǵa alý qajet. О́ıtkeni, elimizde kásibı fotograftar jetkilikti. Olar búginde Qazaq­standy sheteldikterge jańa qyrynan tanytý áleýetine ıe. Biz tarıhy tereń, sıqyry mol óner ıelerine qoldaý kórsete berýimiz kerek. Sebebi, sheberler shejiremizdi shegelep tańbalaýda, tarıhymyzdy tapjylmaı bederleýde kól-kósir is tyndyryp otyr», – dedi.