Meniń armanym

Armansyz adam joq. Meniń de kóńilimde izgi tilekterim kóp. Men adamdardyń eshkimdi ultyna, nanym-senimine bóle jarmaıtyn, ashyq aspan astynda jemisti eńbek etýge jaǵdaı jasalǵan, árbir otbasynda qýanysh saltanat qurǵan qoǵamda ómir súrgenin qalaımyn. Qýanyshqa oraı, meniń bul nıetim Elbasy maqalasynda atap kórsetilgen qazaqstandyq armanmen sátti ushtasady. Qazaqstandyq arman! Osynaý eki aýyz sózdiń astarynda nendeı maǵyna jatqanyn búginde árbir otandasymyz, jalpy qoǵamymyz tereń túsinedi. Shyn máninde, Elbasy Nursultan Nazarbaev ýaqyt talabyna saı damý úshin birinshiden jańa maqsattar men mindetter belgilenýi kerek ekenin basty nazarda ustap keledi. Onsyz eshqandaı halyq ilgeri jyljymasy anyq. Osy oraıda, Birikken Ulttar Uıymy da óziniń Myńjyldyq deklarasııasy talaptarynyń oryndalýyna kóńil bólýde. Al Qazaqstan atalǵan Myńjyldyq deklarasııasynda kórsetilgen strategııalyq maqsat-mindetterdi oryndaýǵa basymdyq berip keledi. Bizder, besinshi sha­qy­ry­lymdaǵy Parla­ment Májilisiniń depý­tattary osy aýqym­dy qu­jatty júzege asyrý úshin qajetti kóptegen zań jobalaryn qabyldaýǵa barynsha kúsh saldyq. Nátıjesinde, bul zańdar jańa 2016 jyldan el ıgiligine jumys isteı bas­tady. Elbasy Nursultan Nazarbaev aıtqandaı, jańadan qabyldanǵan bul zańdar qazirden bastap Qazaq­stannyń álemdik standarttarǵa saı joǵary deńgeıde damýyna yqpal etýde. Prezıdenttiń «Ult Jospary – qazaqstandyq armanǵa bastaıtyn jol» atty maqalasy ózime qatty áser etkendikten, oǵan baılanysty ún qospaı qala almadym. О́ıtkeni, Ult Jospary bizdiń elimizdiń, jurtymyzdyń bolashaǵyn aıqyndaǵan, tereń mánge ıe qujat. Ony júzege asyrý – jalpyhalyqtyq mindet. Jalpy, Ult Josparymen tanysa otyryp, Elba­synyń sózi men isi sáıkes keletin iri tulǵa ekenine taǵy bir ret kózim jetti. Elbasy óz maqa­la­synda reformalardy tabysty júzege asyrý úshin, eń aldy­men, el yntymaǵy men tatý­lyǵy qajet ekenine basa kó­ńil aýdarǵan. Shyn máninde, bir­lik­siz, tatý­lyqsyz nátıjege jetý múmkin emes. Ortaq iste birlesip, jumyla biler bolsaq, bizge eshteńe de kedergi bola almaıdy. Osy oraıda, men Elbasynyń «Bizdiń jolymyz – ol birlik joly jáne azamattyq birtektilik negizinde ultty dáıektilikpen qalyptastyrý joly», degen sózine ekpin bergim keledi. Jalpy, Elbasy maqalasy bola­shaqqa degen senimdi nyǵaıta túsedi. Ol biz úshin jolymyzdan adas­tyrmas jaryq juldyz sekildi. Bul me­niń basty armanymnyń oryn­dalǵanynyń belgisi bolar, bálkim. Nadejda NESTEROVA, qoǵam qaıratkeri. ASTANA.