Kommýnıstik partııa saılaýǵa túsedi

Qazaqstannyń kommýnıstik halyq partııasy Memleket bas­shysynyń kezekten tys Parlament saılaýyn ótkizý týraly Jarlyǵyn qol­daıtynyn jáne partııanyń saılaýǵa túsetinin málimdedi. «Damýdyń qazirgi kezeńi jahandyq daǵdarysqa tap bolyp otyr. Qıyn-qystaý kezeńde memleket qandaı joldy tańdaýy qajettigin jáne qandaı partııa saılaýshylardyń senimin aqtaı alatynyn anyqtap alý kerek, dedi partııanyń resmı málimdemesin oqyǵan QKHP OK saıası bıýrosynyń múshesi Aıqyn Qońyrov. Al Qazaqstannyń kommýnıstik halyq partııasynyń hatshysy Turǵyn Syzdyqov saılaýǵa túsýge partııanyń daıyndyǵyn, al Elbasy qabyldaǵan sheshimdi ýaqtyly ári negizdi dep sanaıtyndyqtaryn jetkizdi. «Búgin saıası bıýronyń otyrysy boldy. Onda bizdiń kóptegen jergilikti kommýnısterdiń hattary boıynsha, olardyń jibergen, telefonmen habarlasqan joldaý-usynystary boıynsha biz partııamyzdyń aldaǵy saılaýǵa shyǵý jaǵdaıyn qarastyrdyq. Nátıjesinde, partııamyz saılaýǵa túsedi degen sheshim qabyldadyq. Partııamyz saılaýǵa daıyn. Biz úgit-nasıhat jumystary barysynda ózimizdiń ustanym, oı-pikirlerimizdi halyqqa jetkizetin bolamyz. Al endi saıasat týraly aıtar bolsaq, Prezıdentimizdiń Jarlyǵyn kommýnıster qoldaıdy. Negizi Otanymyzdy jaqsy kórgen soń, Otanymyzǵa senim berik bolǵan soń biz mynaý daǵdarys jaqsylyqqa aparmaıtynyn sezinemiz. Sondyqtan, osy daǵdarystan shyǵý jolynda basymyzdy biriktirip, bárimiz el bolyp jumylýymyz kerek. Tarıhta da solaı bolǵan, bizdiń halyq basyn biriktirgende ylǵı jeńiske jetken. Soǵan saı, biz Prezıdentimizdiń mańyna toptasyp, osy daǵdarystan shyǵýymyz kerek. Jańa Parlamentti qurý – bul bir sebep, sondaı-aq, halyq osy qıyn jaǵdaıda qaı partııanyń ustanymy oryndy, qaısysyna senim artady degen oımen osy saılaýǵa shyǵaıyn dep jatyrmyz. Biz 26 aqpanda alqaly jıyn ótkizemiz. Sonda sezge shaqyratyn máseleni qaraımyz», dedi T.Syzdyqov. Dınara BITIKOVA, «Egemen Qazaqstan».