AQSh-tyń 11 shtatynda tótenshe jaǵdaı jarııalandy

ASTANA. 23 qańtar. AQSh-tyń Shyǵys jaǵalaýynda tolassyz jaýǵan qardan 11 shtatta tótenshe jaǵdaı jarııalandy. Kesheden beri turaqsyz aýa raıy saldarynan 9 adam qaza taýyp, 7,1 myń avıareıs keıinge qaldyryldy. Bul týraly RIA «Novostı» aqparat agenttigine silteme jasaǵan egemen.kz tilshisi habarlady. Soltústik Karolına shtaty men el astanasy – Vashıngton qalasyndaǵy iri aeroporttardyń jumysy kesheden beri toqtap tur. Sondaı-aq, Vashıngtonda dúısenbige deıin barlyq qoǵamdyq kólik túrleriniń qozǵalysyna tyıym salyndy. Atalǵan qala men Vırgınııa, Merılend shtattarynda myńdaǵan tehnıka qar tazalaýǵa jumyldyryldy. Alaıda, qar basqan kóshelerdi tolyq tazalaý múmkin bolmaı tur. Bastapqyda mamandar Vashıngtonda qardyń qalyńdyǵy 60 sm-ge deıin jetedi dep málimdegen. Degenmen, tolassyz jaýǵan qar olardy boljamdaryn 90 sm-ge deıin jetedi dep ózgertýge májbúr etti. Odan bólek, tosyn tabıǵat saldarynan Nıý-Iork jáne Nıý-Djersı shtattaryn sý basý qaýpi tónip tur. Sondaı-aq, Vırgınııa shtatynda tótenshe jaǵdaıdan 989 jol-kólik oqıǵasy tirkelgenin atap ótken jón. Elaman Qońyr. Derek: RIA «Novostı». Sýret: Reuters.