Armenııada bir otbasyn túgel qyrǵan qylmysker kinásin moıyndady

ASTANA. 24 qańtar. Armenııanyń Gıýmrı qalasynda jeti adamnan turatyn bir otbasyn túgel qyryp tastady degen aıyp taǵylyp otyrǵan Reseıdiń osynda ornalasqan áskerı bazasynyń qatardaǵy jaýyngeri Valerıı Permıakov sotta osy aıyptardy tolyq moıyndady. Bul týraly ras.kz-ke silteme jasaǵan egemen.kz habarlady. Sotta sýdıanyń qoıǵan suraǵyna Permıakov aıyptaýdyń máni men zań júzindegi kvalıfıkasııasy tolyq túsinikti ekenin aıtyp, ózin aıypty dep sanaıtynyn jetkizdi. Al sýdıanyń naqty nege aıypty ekenin ashyp aıtýyn suraýyna ol «bárine de» dep jaýap berdi. Budan buryn Reseı áskerı qyzmetkeri Valerıı Permıakovqa armıannyń Gıýmrı qalasynda jeti adamdy atyp óltirdi degen aıyp taǵylǵany habarlanǵan bolatyn. Tergeý boljamy boıynsha, ótken jylǵy 12 qańtar kúni Reseı sarbazy Gıýmrıde ornalasqan áskerı bazadan tań aldynda qashyp shyǵyp, qalyń uıqyda jatqan Avetısıandar otbasynyń jeti adamyn avtomatpen atyp ketken. Al alty aılyq Serejany ol avtomattyń pyshaǵymen túıregen. Bir úıden jalǵyz aman qalǵan osy sábıdiń ómiri úshin dárigerler biraz kúresti. Biraq bala esin jııa almaǵan kúıi baqılyqqa ketip qaldy. Osy qandy qyrǵynnan keıin Permıakov Anadoly jerine asyp ketpek bolǵanda armıan-túrik shekarasynda qolǵa tústi. Talǵat Raıymbek. Derek, sýret: ras.kz.