Qytaı astanasynyń ekologııasy úshin 2,6 mıllıard dollar bólinedi

ASTANA. 24 qańtar. Qytaı astanasy Pekın qalasynyń ekologııasyn birqalypqa túsirý úshin jergilikti bılik 16,5 mıllıard ıýan (2,6 mıllıard dollar) kóleminde qarjy bóledi. Bul týraly TASS aqparat agenttigine silteme jasaǵan egemen.kz tilshisi habarlady. Basshylyq osyǵan deıin qala ishindegi 200 myń zııandy avtokólikten arylýdyń joldaryn qarastyrǵan bolatyn. Sonymen qatar qala tóńiregindegi  400 eldi-mekenniń de ekologııa jónindegi máselesiniń sheshim joldaryn qarastyrmaq. Aıta keteıik, 2015 jyldyń kúz-qys maýsymdarynda Pekın qalasynda aýanyń shekten tys lastanýyna baılanysty, ekologııanyń eń joǵarǵy qaýiptilik deńgeıi «qyzyl» jáne «sarǵylt» dárejesine birneshe márte jetken. Halyqaralyq densaýlyq saqtaý uıymynyń bekitken aýa quramyndaǵy sýspenzııanyń qaýipsiz sanalatyn mólsheri tekshemetrine 25 mıkrogramdy quraýy tıis bolsa, Aspanasty eliniń astanasynda ótken jyly 900 mıkrogramdy kórsetkishke deıin bardy. Qytaı astanasy álemdegi eń las qalalardyń biri. Aýanyń lastyǵy tipti ǵaryshtan da kórinedi degen aqparattar bar. Mamandar onyń basty sebebi, elektr stansııalary men avtokólikterdiń shekten tys kóp bolýynan degen sheshim shyǵardy. Aıan Ábdýálı. Derek, sýret: TASS.