Qytaıdyń Gýanchjoý qalasynda 67 jyldan keıin qar jaýdy

ASTANA. 24 qańtar. Qytaıdyń ońtústigindegi Gýandýn provınsııasynyń ákimshilik ortalyǵy Gýanchjoý qalasynda sońǵy 67 jyl ishinde alǵash ret qar jaýdy. Jergilikti BAQ ókilderiniń aıtýynsha, atalǵan aımaqta 1949 jyldan beri mundaı jaǵdaı bolmaǵan. Bul týraly TASS aqparat agenttigine silteme jasaǵan egemen.kz tilshisi habarlady. Qala bıligi aıazdyń eń qaýipti deńgeıi «qyzyl» dárejesin qabyldady. Qazirgi kezde Gýanchjoýda aýa temperatýrasynyń ortasha kórsetkishi nól Selsıı gradýsty kórsetkenimen, qala halqy úshin bul qaýipti bolyp esepteledi. Osyǵan baılanysty basshylyq turǵyndarǵa jyly kıinýdi, al júrgizýshilerge asa saq bolýdy eskertti. Aýa raıynyń kúrt buzylýy ásirese turǵyndar men qommýnaldyq qyzmetkerlerge keri áserin tıgizýde. О́tken senbide, ıaǵnı 23 qańtar kúni on eki birdeı aýa raıyn boljaý stansııasynda tarıhtaǵy eń sýyq kún tirkeldi. Aspanasty eliniń astanasy Pekınde -17,4 Selsıı gradýs bolsa, qala aımaǵyndaǵy eldi-mekenderde -29,8 Selsıı gradýsqa deıin bardy. Aıan Ábdýálı. Derek, sýret: TASS.