Aqtóbede qazaq ádebıetiniń abyzyn eske aldy

AQTО́BE. 25 qańtar. Aqtóbe qalasyndaǵy S.Báıishev atyndaǵy oblystyq ámbebap-ǵylymı kitaphanasy Qazaqstannyń halyq jazýshysy, kórnekti memleket jáne qoǵam qaıratkeri Ábish Kekilbaevtyń shyǵarmashylyǵyna arnalǵan «Qazaq ádebıetiniń abyzy edi…» atty ádebı eske alý keshin uıymdastyrdy. Bul týraly egemen.kz tilshisi habarlady. Elimizdiń ádebı baılyǵy men memleket isinde óshpes iz qaldyrǵan Ábish Kekilbaevty eske alyp, qalyń oqyrman qaýymǵa qalamgerdiń otanshyldyqqa toly ádebı mol murasyn nasıhattaý, ómiri men shyǵarmashylyǵy jaıynda syr shertý maqsatynda uıymdastyrylǵan keshke oblystyq mádenıet, muraǵattar jáne qujattama basqarmasy basshysynyń mindetin atqarýshy Q.Ermuqan, belgili qoǵam qaıratkeri, professor, fılosofııa ǵylymdarynyń doktory A.Aıtaly, aqyn M.Aqdáýletuly qatysyp, Á.Kekilbaevtyń Táýelsiz Qazaqstannyń qalyptasýyna, elimizdiń mádenıetine, ádebıetine qosqan ólsheýsiz eńbegi týraly aıtyp, jastardy qalamgerdiń baǵa jetpes mol muralaryn oqýǵa shaqyrdy. Kesh barysynda talantty jazýshynyń shyǵarmalary oqyldy. Kitaphana qyzmetkeri Gúlnazııa Omarhanova «Ábish aǵa, Abyz aǵa» atty kitap kórmesine bıblıografııalyq sholý jasap, jınalǵandardy jazýshynyń tarıhı-tanymdyq eńbekterimen tanystyrdy. Shara barysynda taqyrypqa baılanysty jastar sóz sóıledi, foto-shejire slaıd, «Kelbet» baǵdarlamasynan Á.Kekilbaev týraly beınematerıal kórsetildi, qatysýshylar qalamgerdiń ómiriniń sońǵy kúnderinde sóılegen sózin tyńdady. Satybaldy Sáýirbaı. Derek, sýret: egemen.kz.