Quzǵa órmeleýshiler Taılandtyń shyńyn baǵyndyrýda

ASTANA. 25 qańtar. Qazaqstannyń quzǵa órmeleýshileri, Armııa ortalyq sport klýbynyń áskerı qyzmetshileri kishi serjanttar Artem men Nıkıta Devıaterıkovtar oqý-jattyqtyrý jıynyna qatysýda. Jattyqtyrýlar álemdegi quzǵa órmeleýge arnalǵan eń tanymal oryndardyń biri – Taılandtaǵy Krabı qalasynyń Tonsaı aralynda ótip jatyr. Bul týraly egemen.kz tilshisi habaraldy. Sportshylarymyz Qazaqstannyń quramasynda jattyǵýda. Bir aılyq oqý-jattyqtyrý jıynynda armııashylarymyz bastysy 8 (a)-dan bastap 8(s)-ǵa deıingi sanatta neǵurlym kúrdeli baǵdarlardy ótýdi qalaıdy. «Búgingi tańda sportshylar jıyn tapsyrmasyn 50 paıyzǵa oryndady», dep Armııa ortalyq sport klýbynda atap ótti. Kishi serjant aǵaıyndylar Artem men Nıkıta Devıaterıkovtar halyqaralyq dárejedegi sport sheberleri. Olar Almatydaǵy «UP&UP» – 2015 qysqa, kúrdeli tas joldar serııasymen  boýlderıng – quzǵa órmeleýden halyqaralyq jarystarda jaqsy óner kórsetýiniń arqasynda jıynǵa qatysýǵa múmkindik aldy.   Kúrdeli tas joldardy eńsere otyryp, sportshylar saıystyń myqty qatysýshylarynyń biri retinde Taılandta ótetin jıynǵa joldama aldy. Dastan Kenjalın. Derek, sýret: Qazaqstan Respýblıkasy Qorǵanys mınıstrligi.