О́SKEMEN. 25 qańtar. Shyǵys Qazaqstan oblysynyń áleýmettik jeli qoldanýshylary «Qaıyrymdylyq nany» atty izgi sharany qolǵa aldy. Bul týraly egemen.kz tilshisi habarlady.
О́ńirdegi belsendi áleýmettik jeli qoldanýshylarynyń biri Rınat Halıkov óz paraqshasyna: «Qaıyrymdylyq nany» – dostarymnyń bastamasymen jáne qoldaýymen bastalǵan áleýmettik aksııa. Tipti, aksııa bolmaǵan kúnniń ózinde bizdiń kúndelikti ómirimizdiń bir bólshegi. О́zimiz azyq-túlik alyp júrgen dúkennen bir bólke nandy satyp alyp, satýshyǵa qaldyramyz. Olar ony qarttar men áleýmettik jaǵynan az qamtylǵan adamdarǵa beredi. Biz úshin bul usaq-túıek kórinýi múmkin, al bireýlerdiń ómiri úshin óte mańyzdy. Muny ózimizdi tym qınamaı, janymyzdyń qalaýymen júzege asyrsaq jetkilikti. Aıyna bir-eki nan, qalasańyz odan da kóp qaldyrsańyz bolady. Biraq asyra silteýdiń qajeti joq. Bul sizdiń ishki álemińizdiń bir bóligi bolsyn! Al sizdiń áreketińiz ózińizge jáne bala-shaǵańyzǵa jaqsylyq bolyp qaıta oralsyn!», – dep jazdy.
Áleýmettik sharaǵa ún qosyp jatqan óskemendikter barshylyq. Olardyń qatary sát saıyn tolyǵyp keledi. Aksııaǵa qatysýshy jeli qoldanýshylarynyń barlyǵy dúkenderde satýshymen, qaıyrymdylyqqa qaldyrǵan nanmen birge túsken sýretterin áleýmettik jelige ornalastyryp, atalǵan sharaǵa ún qosýǵa shaqyrýda.
Dýman Anash.
Derek, sýret: facebook.com.
