Shyǵys Qazaqstannyń Kaznakovka ótkelindegi paromnan aqaý shyqty

О́SKEMEN. 25 qańtar. Shyǵys Qazaqstan oblysy ákimdigi Kaznakovka ótkelinde jolaýshy men júk tasymaldaıtyn kemeniń buzylyp qalýyna baılanysty qatynastyń qansha kúnde qalpyna keltiriletinin málimdedi. Bul týraly egemen.kz tilshisi habarlady. Muz deńgeıi áli qajetti qalyńdyqqa deıin qata qoımaǵandyqtan, Kaznakovka ótkelindegi muz ústimen júretin jol ýaqytsha jabyq. Shtattan tys jaǵdaılarǵa jol bermeý úshin jaǵalaýǵa táýlik boıy kezekshilik qoıylyp, jaǵdaı baqylaýǵa alyndy. Senbi kúni jaǵalaýdan 700 metr qashyqtyqta isten shyqqan paromda 17 kólik pen 40 adam bolǵan edi. Tótenshe jaǵdaılar departmentiniń habarlaýynsha, qutqarýshylar oqıǵa ornyna bir saǵattan soń jetip, 28 adamdy jaǵalaýǵa jetkizdi. Qalǵan 12 adam qutqarý qyzmetinen bas tartty. Parom sol kúni jaǵalaýǵa áýpirimdep óz kúshimen jetken. Oblystyq jolaýshylar kóligi jáne avtokólik joldary basqarmasynyń habarlaýynsha, jyl saıyn Buqtyrmadaǵy muzdyń qalyńdyǵy 15 santımetrge jetken kezde muz ústindegi jol ashylady. Búginde muzdyń qalyńdyǵy 5 santımetrge teń. Sondyqtan, 10 kúnge jýyq jol jabyq bolmaq. Osyǵan baılanysty parom jolaýshy tasymaldaýǵa qaıta jiberildi. О́ıtkeni, muz beldeýin jaryp, qozǵalýǵa qabiletti birden-bir mamandandyrylǵan sý kóligi osy óńirde ázirge jalǵyz. «Paromnyń bir qozǵaltqyshy jumys istemeı qalǵandyqtan, júrisin toqtatqan bolatyn. Qazirgi kezde jaǵdaı tolyq baqylaýǵa alyndy. Tehnıkalyq aqaý jumys tártibine saı jóndeldi. Paromnyń túbi zaqymdanǵan joq», – dedi jolaýshylar kóligi jáne avtokólik joldary basqarmasy basshysynyń orynbasary Áset Sultanov. Dýman Anash. Derek: egemen.kz. Sýret: Shyǵys Qazaqstan oblysynyń Tótenshe jaǵdaılar departamenti.