Ulybrıtanııada qaterli dertti joıýǵa 4,5 mıllıard dollar bólinbek

ASTANA. 25 qańtar. Ulybrıtanııa bıligi jáne Microsoft kompanııasynyń negizin qalaýshysy Bıll Geıts pen jubaıy Melında Geıts bezgek aýrýyna qarsy kúres úshin aldaǵy 5 jyl kóleminde birigip, 4,5 mıllıard dollar qarjy bóledi. Bul týraly TASS aqparat agenttigine silteme jasaǵan egemen.kz tilshisi habarlady. «Biz tropıkalyq aýrýlardan, bezgek indetinen, sondaı-aq, adam ómirine qaýipti syrqattardan arylyp, álemdi gúldendire alamyz degen oıdamyz», – deıdi birlesip jazylǵan hatta. Aldaǵy 5 jyl kóleminde jyl saıyn 715 mıllıon dollar kólemindegi qarjy brıtandyq ǵalym Ronald Rosstyń atyndaǵy fondqa aýdarylady. Aıta keteıik, aǵylshyn ǵalymy bezgek aýrýyn taratatyn jándiktiń masa ekenin anyqtaǵany úshin 1902 jyly Nobel syılyǵyn ıelendi. Ulybrıtanııanyń qarjy mınıstri Djordj Osborn bezgek arýynan árbir mınýt saıyn jer betinde bir sábı kóz jumatynyn málimdedi. Degenmen sońǵy 15 jyl ishinde bul kórsetkish eki esege azaıdy. Aıan Ábdýálı. Derek: TASS. Sýret: hi-news.ru.