Aqmolalyq jas sportshy Avstrııada kúmis medal jeńip aldy

KО́KShETAÝ. 25 qańtar. Aqmola oblysynyń jas sportshysy Álisher Qınýarbek Avstrııada ótken VII Halyqaralyq balalar qysqy oıyndarynda shańǵy jarysynan eki birdeı kúmis medal jeńip aldy. Bul týraly «Aqmola medıa ortalyǵy» deregine silteme jasaǵan egemen.kz tilshisi habarlady. Jarys Avstrııanyń Insbrýk qalasynda jalaý kóterdi. Ondaǵy «Olympia World» sport arenasynyń aıasynda sporttyń 8 túrinen 31 meadldar jıyntyǵy sarapqa salyndy. Bulardyń arasynda taý shańǵysy, bıatlon, shańǵy jarysy, mánerlep syrǵanaý, konkı sporty, hokkeı, frıstaıl jáne snoýbord boldy. Osynaý ózgeshe festıvalge álemniń 22 elinen jastary 12-15 aralyǵyndaǵy 800-ge jýyq talapker qatysty. Aqmola oblysy, Jarqaıyń aýdanyndaǵy Tasótkel negizgi mektebiniń 8-synyp oqýshysy Álisher Qınýarbek ózine artylǵan úmitti tolyǵymen aqtady. Ol jeke jarysta máre syzyǵyn ekinshi bolyp kesse, estafetada da áriptesterimen birge sol deńgeıden kórindi. Al 5 shaqyrymǵa klassıkalyq ádispen júgirýde besinshi boldy. Ony bul jarystarǵa jeke jattyqtyrýshysy Farıd Bashmakov daıyndady. Jarqaıyń aýdany ákimdiginiń baspasóz hatshysy Gúljan Baıegizovanyń aıtýynsha, bul aýdannan elimizdiń namysyn 6 sportshy qorǵaǵan. Eske sala keteıik, Halyqaralyq balalar oıyndarynyń negizi 1968 jyly qalanǵan. Baqbergen Amalbek. Derek, foto: Aqmola medıa ortalyǵy.