Kelisimder kelisilgen resmı sapar

Qazaqstannyń Qorǵanys mınıstri Imanǵalı Tasmaǵambetov Iordanııaǵa resmı saparmen bardy. Onyń sheńberinde Iordanııa memleketiniń jáne qorǵanys vedomstvosynyń basshylarymen resmı kezdesýler ótti. Kezdesýde áskerı jáne áskerı-tehnıkalyq yntymaqtastyq aıasyndaǵy máseleler talqylanyp, ózara is-qımyl perspektıvalary belgilendi. Sapardyń basty maqsaty ás­kerı jáne áskerı-tehnıkalyq ynty­maqtastyq týraly Qazaqstan Res­pýblıkasy men Iordanııa Hashı­mıt Koroldiginiń Úkimeti ara­synda kelisimge qol qoıý boldy. Be­ki­tilgen quqyqtyq negiz eki el­diń qarýly kúshteri men qorǵa­nys ónerkásibi arasyndaǵy ynty­maq­tastyqty damytýǵa yqpal etedi. Sapar barysynda ótken jyl­dyń sońynda Elbasy Astanada ashqan «Qazaqstan Paramaýnt ınjınırıng» kompanııasy zaýytynyń óni­mi – «Arlan» qazaqstandyq bron­dalǵan dóńgelekti mashınalardy satyp alý jónindegi ýaǵdalastyqqa qol jetkizildi. Sonymen qatar, túngi kórý aspaptarynyń OPK-op­tıkalyq aspaptary men kóz­deýishter, 12,7 kalıbrli NSVS oq­sha­sharlary jáne olardyń qol­danylýymen jaýyngerlik modýlder, 3 koordınataly RLS, baılanys quraldary jáne taǵy basqa jaraqtardy jetkizý boıynsha kelissózder júrgizildi. Iordanııa Hashımıt Ko­rol­­­digi Qarýly kúshteri Shtab­­­tar bastyqtary birikken komı­­­te­tiniń tóraǵasymen kezdesýde qabyldaýshy taraptyń «KADEX-2016» qarý-jaraq pen ás­ke­­­rı teh­nıkanyń IV halyq­ara­lyq kórme­sine qatysatyny bel­g­ili boldy. Al halyqaralyq kórmede qorǵa­nys ónerkásibi sala­­syndaǵy iri ja­handyq kompa­nııalardyń qarý-ja­ra­ǵy men teh­nıkasy usynyla­tyn bolady. Sha­raǵa áskerı maq­sattaǵy jetek­shi óndirýshi elderdiń birqatar resmı ókilderi qatysady dep kútilýde. Jer shalǵaılyǵy men qashyq­tyǵyna qaramastan, eki el arasynda ekonomıkalyq, áskerı-saıası yntymaqtastyqty damytýda úlken múmkindikter bar ekenin aıta ketken jón. «Egemen-aqparat».