Almaty aldaǵy saılaýǵa daıyn

Almaty qalalyq saılaý komıssııasynyń tóraǵasy Baqytjan Dospanov elimizde 20 naýryzda bolatyn Parlament Májilisi men jergilikti máslıhattardyń kezekten tys saılaýlaryna ázirlik pen uıymdastyrý jumystary týraly aıtyp berdi. B.Dospanov qalada 578 saı­laý komıssııasy jumys isteı­tindigin, olardyń 9-y aýmaq­tyq, 37-si okrýgtik jáne 532-si ýchaskelik komıssııalar ekendigin aıtty. Saılaý kezin­de atalǵan komıssııalarda ha­lyqqa 4046 adam qyzmet kór­setetin bolady. Sondaı-aq, ol saılaý aldyndaǵy nası­hat jumystary partııalyq úmit­kerler tizimin usynǵan partııa­lar úshin ústimizdegi jyldyń 20 aqpanynan, qalalyq más­lı­hat depýtattyǵyna usynylǵan kandıdattar úshin 24 aqpannan bastalatyndyǵyn jetkizdi. Alaıda, ázirge qalalyq más­lıhatqa depýtat bolý úshin áli birde-bir úmitker óz ótinishin tapsyrmaǵan. Qalalyq saılaý komıs­sııasy tóraǵasynyń aıtýynsha, Almaty qalasy ákimdigine qarasty basylym betterinde saılaý okrýgteri men ýchaskeleriniń shekaralary jáne mekenjaılary, saılaý komıssııalarynyń quramy týraly tolyq aqparat jarııalanǵan. Qalaǵa keıinnen qosylǵan aýdandardyń aýmaǵy aıqyndalyp, zań talaptaryna sáıkes saılaý okrýgterine en­gizilgen jáne saılaý ýchas­keleri bekitilgen. «Aldaǵy saı­­laýdyń barynsha joǵary deń­geıde ótýi úshin barlyq saı­laý ýchaskeleri qa­jetti jab­dyqtarmen qamtamasyz etiledi. Saılaý kezin­de Almaty qalasy boıynsha 532 saılaý ýchaskesi ju­mys isteıtin bolady. Ony 37 okrýg, 8 aýdandyq jáne 1 qala­lyq komıssııa basqarady. Ýchas­ke­lerde mindetti túrde táýelsiz baıqaýshylar bolady. Son­daı-aq, ár jeti partııadan bir adamnan táýelsiz sarap­shylar saılaý jumysyn qadaǵa­laıdy. Almaty qalasy boı­ynsha saılaýshylardyń sany – 1 038 876 adam, biz olar­dyń aldaǵy saılaýda joǵa­ry belsendilik kórsetip qaty­sa­tyn­dyǵyna senimdimiz», – dedi B.Dospanov. Qanat ESKENDIR, «Egemen Qazaqstan». ALMATY.