Senat otyrysynyń kún tártibi belgilendi

Senat bıýrosy joǵarǵy palatanyń 2016 jylǵy 28 qańtarda bolatyn kezekti otyrysynyń kún tártibin kelisti, dep habarlady Senattyń baspasóz qyzmeti. Senat Qazaqstan Respýblıkasy Konstıtýsııalyq Keńesiniń múshesi A.Jaıylǵanovanyń ókilettigin toqtatý týraly, sondaı-aq, halyq­aralyq úsh qujatty ratıfıkasııalaý týraly máseleni qaraıdy. Senatorlar Qazaqstan Res­pýblıkasy men Cheh Respýb­lıkasy arasyndaǵy Tabys pen kapı­talǵa salynatyn salyqqa qatys­ty qosarlanǵan salyq salýdy boldyrmaý jáne salyq tóleý­den jaltarýǵa jol bermeý týraly konvensııaǵa ózgerister men tolyqtyrýlar engizý týraly hattamany, Qazaqstan Respýblıkasy men Halyqaralyq Qaıta qurý jáne Damý banki (energııa tıimdiligin arttyrý jáne jastar korpýsyn damytý baǵdarlamasy úshin bir donordyń Trast qory ákimshisi retinde áreket etýshi) arasyndaǵy Grant týraly kelisimdi (Jastar kor­pýsyn damytý jobasy) jáne Qazaqstan Respýblıkasy men Úndistan Respýblıkasy ara­syndaǵy sottalǵan adamdardy berý týraly kelisimdi ratıfıkasııalaý týraly zań jobalaryn talqylaıdy. Bıýroda Májilis maquldaǵan úsh zań jobasy Senat komıtetterine bólinip berildi. Odan basqa, Senat Reglamentine sáıkes, Májilistiń taraýyna baı­lanysty tómengi palata Appara­tynan suratyp alynǵan 20 zań jobasy boıynsha Senat qaýlysymen bas komıtetter belgilendi.