Qytaıda maımyldyń basyn aýystyrý otasy jasaldy

ASTANA. 27 qańtar. Qytaıda Harbın medısınalyq ýnıversıtetinde maımyldyń basyn aýystyrý otasy jasaldy. Bul týraly russian.rt.com saıtyna silteme jasaǵan egemen.kz tilshisi habarlady. Operasııany ıtalııalyq hırýrg Serdjıo Kanavero men onyń qytaılyq áriptesi Jen Sıaotın jasady. «Maımyldyń basyn aýystyrý otasy qıyn bolǵan joq. Maımyl operasııadan keıin 20 saǵat ómir súrdi. Sodan keıin biz oǵan dári berip, uıyqtatyp tastadyq», deıdi neırohırýrg Serdjıo Kanavero. Telernada kórsetilgen habarǵa qaraǵanda, buǵan deıin tyshqannyń basyn aýystyrý operasııasy jasalǵan. Endi ıtalııalyq dáriger naýqas adamnyń basyn aýystyrýǵa bolatynyn aıtyp otyr. Qazir oǵan reseılik IT mamany Valerıı Spırıdonov kelisim bergen eken. «Bul operasııa 36 saǵatqa jalǵasýy múmkin. Ol 20 mln. dollar turatyn bolady. Otany biz 2017 jyldyń sońynda Qytaıda jasaýdy josparlap otyrmyz. О́ıtkeni, Qytaı ózderin jer-júzine medısınasy men ǵylymy damyǵan el ekenin kórsetkisi  keledi», deıdi ol. Dárigerdiń aıtýynsha, operasııaǵa qomaqty qarjy kerek. «Ota jasaý ońaı bolmaıdy. Bul bir adamnyń ómiri sheshiletin operasııa. Sondytan onyń sátti ótýi úshin qaltaly kásipkerler kómektess degen tilegim bar», deıdi neırohırýrg. Al keıbir dárigerler ıtalııalyq mamannyń operasııasyna kúmánmen qaraıtynyn aıtýda. Mysaly, Shvesııadaǵy Karolın ınstıtýty regeratıvti hırýrgııasynyń professory Paolo Makkırıanı Kanaverony qylmysker dep aıyptasa, AQSh-tyń Garvard medısına mektebi bıoetıka ortalyǵynyń nevrology Tomas Kokreın ıtalııalyq dáriger ózine jarnama jasap jatqanyn aıtty. Qalaı bolǵanda ýaqyt bárine tóreshi. Adamnyń basyn aýystyrý otasy jasalatynyn, jasalmaıtynyn ýaqyt kórsetedi. Dastan Kenjalın. Derek: russian.rt.com Sýret: domfactov.com