Ońtústik jáne Soltústik Amerıkada zıka indeti órship tur

ASTANA. 27 qańtar. Dúnıejúzilik densaýlyq saqtaý uıymy Ońtústik jáne Soltústik Amerıkada Zıka aýrýynyń jyldam taralýyna baılanysty dabyl qaqty. Bul týraly euronews.com saıtyna silteme jasaǵan egemen.kz tilshisi habarlady. О́tken jyldyń mamyr aıynda Brazılııa aımaǵynda atalǵan indetti juqtyrǵandar anyqtaldy. Mamandar búginde qaýipti aýrýdyń 21 memleketke tarap ketkenin málimdedi. Dúnıejúzilik densaýlyq saqtaý uıymynyń dárigerleri keseldiń jyldam taralyp ketýiniń eki sebebi bar deıdi. Onyń biri, Amerıka qurlyǵynyń halqynda bul dertke qarsy turarlyq ımmýnıtettiń joqtyǵynan bolsa, ekinshisi aýrýdy taratatyn sary tústi masanyń Kanada men Chılı memleketterin eseptemegende, búkil aımaqta mekendeıtindiginen, halyq osyndaı jaǵdaıǵa dýshar boldy degen qorytyndy shyǵardy. Qaýipti syrqattan emdelýdiń basty joly aýrý taratqysh masalardy joıý kerek degen sheshim qabyldandy. Brazılııada osyǵan baılanysty arnaıy ásker jasaǵy jumyldyryldy. Sondaı-aq, mamandar Soltústik jáne Ońtústik Amerıkanyń halqyna jabyq kıinip, masalardan qorǵaný qajettigin alǵa tartty. Aıta keteıik, atalǵan aýrý túri ásirese, júkti áıelder úshin asa qaýipti. Zıka bezgegin juqtyrǵan bolashaq anadan mıkrosefalııamen aýyrǵan náresteler dúnıege keledi. Ol óz kezeginde sábıdiń bas súıegin qajetti mólsherde ósýine kedergi jasap, mı qurylysynyń damýyna zııanyn tıgizedi. Aıan Ábdýálı. Derek: euronews.com. Sýret: aqualab.kz.