Soltústik Qazaqstanda sheteldik ınvestor qashyp júr

PETROPAVL. 27 qańtar. Osydan 12 jyl buryn Máskeýden iri ınvestor retinde kelgen «Qaztransavto» kompanııasy jumysshy-qyzmetkrlerge mańdaı termen tapqan eńbekaqysyn ýaqytyly tólemeı, saıdan sanyn, qumnan izin taptyrmaı qashyp ketken. Bul týraly oblystyq prokýratýranyń baspasóz qyzmetine silteme jasaǵan egemen tilshisi habarlady. Sheteldiń alpaýyttyń quramyna kirgen 40-qa jýyq sharýa qojalyǵy jyldap jalaqy kórmegenin aıtyp otyr. Solardyń biri– Taıynsha aýdanyna qarasty «Kolos» astyq qabyldaý kásiporny. Munda jumys isteıtinder ne isterlerin bilmeı dal. Máselen, Samarbaı Qoıshyǵarın sońǵy jalaqysyn osydan 10 aı buryn alypty. Sodan beri 200 myń teńgesin daýlaýmen júr. Elevatorda kezinde 80-ge jýyq adam eńbek etip, turaqty jumyspen qamtylsa, búginde jalaqy men salyq qaryzdary ondaǵan mıllıonnan asyp jyǵylady. Ǵımarattar ıesiz qalǵan. Byltyrǵy astyq orý naýqanyna múldem qatyspaǵan. Al bankrot jarııalaıyn dese, atalǵan kompanııanyń dúnıe-múliki bankte kepilde turǵandyqtan, ruqsat joq. Aıta keteıik, quryltaıshysy sol kezdegi Máskeý meri Lýjkov sanalatyn «Kaztransavto» fırmasy taqyrǵa otyrǵyzǵan sharýashylyqtar Qyzyljar óńirinde júzdep sanalady. О́mir Esqalı. Derek: oblystyq prokýratýranyń baspasóz qyzmeti. Sýret: damu.kz.