Ajalyna astyq jetti

Aıdyń-kúnniń amanynda bir otba­synyń otanasy ajal qush­ty. Qarabalyq aýdanyndaǵy «Stan­sıonnyı» jaýap­kershiligi shekteýli seriktestiginiń astyq saqtaıtyn býnkerinde jumysshy bolyp isteıtin 45 jastaǵy Valentınanyń ajaly astyqtan bolady dep kim oılaǵan? Sol kúni oǵan býnkerdiń tolǵan-tol­maǵa­nyn baqylap turý tapsyrylǵan eken. Janyndaǵy seriktes jumysshy temeki shegýge syrtqa shyǵyp ketkende, Valentına Podnysheva astyq quıylyp jatqan tereń qubyrǵa qulaǵan. Dereý baıqaǵan aınalasyndaǵylardyń ony ajal tyrnaǵynan qutqaram dep typyrlaǵanynan eshteńe shyqpaǵan. О́ıtkeni, toqpen jumys istep turǵan óndiristik iri qurylǵylardan, tereń qubyrdan alyp shyǵýǵa eshkimniń dármeni jetpegen. Marqumnyń denesin aýdandyq tótenshe jaǵdaı bólimshesiniń qyzmetkerleri kelip, shyǵaryp alǵan. Qazir kóptegen aýylsharýashylyq ká­sip­oryndarynda óziniń astyq saqtaıtyn býnkerleri bar. Qarabalyq aýdanyndaǵy «Stansıonnyı» jaýapkershiligi shekteýli seriktestigi de astyǵyn Prıýralskoe selosynda ornalasqan astyq býnkerinde saq­taıdy. Qys aılarynda astyǵyn satatyn sharýashylyqtar ony býnkerden kólikterge tıeıdi nemese tazalaý ju­mystary júrip jatady. Onyń barlyǵy da shetelderden ákelip qurastyrylǵan iri óndiristik qurylǵylardan turady. Astyq quıylyp jatqan tereń qubyrdyń ishindegi shańnan jáne sýsyǵan astyq denesin basyp qalǵandyqtan áıeldiń tynysy bitip qalsa kerek. Ol astyq quıylyp jatqan qubyr ishine abaısyzda ózi qulap ketti me, álde basqadaı sebep boldy ma, ony tıisti oryndar áli anyqtaǵan joq. Áıteýir aıla taptyrmas ajal sol kúni beıbaq Valentınany nysanasyna alypty. Názıra JÁRIMBETOVA, «Egemen Qazaqstan». Qostanaı oblysy, Qarabalyq aýdany.