Respýblıkalyq bıýdjettiń atqarylýyn baqylaý jónindegi Esep komıtetiniń normatıvtik qaýlysy  №7-NQ 

2015 jylǵy 28 qarasha, Astana qalasy Memlekettik aýdıttiń jáne qarjylyq baqylaýdyń biryńǵaı derekqoryn qalyptastyrý men júrgizý jáne onyń derekterin paıdalaný qaǵıdalaryn bekitý týraly «Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańynyń 12-baby 4-tarmaǵynyń 16) tarmaqshasyna sáıkes Respýblıkalyq bıýdjettiń atqarylýyn baqylaý jónindegi esep komıteti (budan ári – Esep komıteti) qaýly etedi: 1. Qosa berilip otyrǵan Memlekettik aýdıttiń jáne qarjylyq baqylaýdyń biryńǵaı derekqoryn qalyptastyrý men júrgizý jáne onyń derekterin paıdalaný qaǵıdalary bekitilsin. 2. Zań bólimi zańnamada belgilengen tártippen: 1) osy normatıvtik qaýlynyń Qazaqstan Respýblıkasynyń Ádilet mınıstrliginde memlekettik tirkelýin; 2) osy normatıvtik qaýly Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde onyń merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalanýǵa jiberilýin; 3) osy normatıvtik qaýlynyń Esep komıtetiniń Internet-resýrsyna ornalastyrylýyn qamtamasyz etsin. 3. Normatıvtik qaýlynyń oryndalýyn baqylaý Esep komıtetiniń apparat basshysyna júktelsin. 4. Osy normatıvtik qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Tóraǵa Q.JAŃBYRShIN. Respýblıkalyq bıýdjettiń atqarylýyn baqylaý jónindegi Esep komıtetiniń 2015 jylǵy 28 qarashadaǵy № 7-NQ normatıvtik qaýlysymen bekitilgen Memlekettik aýdıttiń jáne qarjylyq baqylaýdyń biryńǵaı derekqoryn qalyptastyrý men júrgizý jáne onyń derekterin paıdalaný qaǵıdalary 1. Jalpy erejeler 1. Osy Memlekettik aýdıttiń jáne qarjylyq baqylaýdyń Biryńǵaı derekqoryn qalyptastyrý men júrgizý jáne onyń derekterin paıdalaný qaǵıdalary (budan ári – Qaǵıdalar) «Memlekettik aýdıt jáne qarjylyq baqylaý týraly» Qazaqstan Respýblıkasynyń 2015 jylǵy 12 qarashadaǵy Zańyna sáıkes ázirlendi jáne memlekettik aýdıttiń jáne qarjylyq baqylaýdyń biryńǵaı derekqoryn qalyptastyrý, júrgizý jáne onyń derekterin paıdalaný tártibin aıqyndaıdy. 2. Memlekettik aýdıttiń jáne qarjylyq baqylaýdyń biryńǵaı derekqoryn (budan ári – Biryńǵaı derekqor) qalyptastyrý men júrgizýdiń maqsaty: memlekettik aýdıt jáne qarjylyq baqylaýdy júrgizý kezinde basqarý prosesterin, sondaı-aq memlekettik aýdıt jáne qarjylyq baqylaý organdarynyń saraptamalyq-taldaý qyzmetin ońtaılandyrý; memlekettik aýdıt jáne qarjylyq baqylaý organdarynyń qyzmetinde qaıtalaýdy boldyrmaý; memlekettik aýdıt nátıjelerin tanýdy qamtamasyz etý; memlekettik baqylaý jáne qadaǵalaý organdarymen, ózge de memlekettik organdarmen, memlekettik aýdıt obektilerimen aqparat almasý; táýekelderdi basqarý júıesin qalyptastyrý jáne onyń jumys isteýi; ishki memlekettik aýdıt jónindegi ýákiletti organnyń kameraldyq baqylaýdy júrgizýi; elektrondy memlekettik aýdıt júrgizý bolyp tabylady. 3. Memlekettik aýdıt jáne qarjylyq baqylaý organdaryna: 1) Respýblıkalyq bıýdjettiń atqarylýyn baqylaý jónindegi esep komıteti (budan ári – Esep komıteti); 2) oblystardyń, respýblıkalyq mańyzy bar qalalardyń, astananyń tekserý komıssııalary (budan ári – tekserý komıssııalary); 3) ishki memlekettik aýdıt jónindegi ýákiletti organ; 4) Qazaqstan Respýblıkasy Ulttyq bankiniń ishki aýdıt qyzmetin qospaǵanda, ortalyq memlekettik organdardyń, oblystardyń, respýblıkalyq mańyzy bar qalalardyń, astananyń jergilikti atqarýshy organdarynyń ishki aýdıt qyzmetteri; 5) ortalyq memlekettik organdar vedomstvolarynyń ishki aýdıt qyzmetteri jatady. 4. Esep komıtetiniń Integrasııalyq aqparattyq júıesiniń jáne basqa memlekettik organdardyń aqparattyq júıeleriniń jekelegen modýlderi biryńǵaı derekqorǵa ıntegrasııalanady. 5. Biryńǵaı derekqorǵa málimetter berýdi memlekettik aýdıt jáne qarjylyq baqylaý organdary, sondaı-aq memlekettik aýdıt jáne qarjylyq baqylaý obektileri (budan ári – aqparatty jetkizýshiler) júzege asyrady. 2. Biryńǵaı derekqordy qalyptastyrý men júrgizý tártibi 6. Biryńǵaı derekqordy Esep komıteti ákimshilendiredi, onyń tıimdi jumys isteýine, onda ornalasqan aqparattyń saqtalýy men qaýipsizdigine jaýapty bolady. 7. Biryńǵaı derekqor «elektrondyq úkimet» júıesimen jáne memlekettik organdardyń aqparattyq júıelerimen ıntegrasııalanady. 8. Biryńǵaı derekqor mynadaı aqparatty qamtıdy: 1) memlekettik aýdıt jáne qarjylyq baqylaý obektileri; 2) memlekettik aýdıt jáne qarjylyq baqylaý organdarynyń memlekettik aýdıt jáne qarjylyq baqylaý obektileriniń tıisti jylǵa arnalǵan tizbesi; 3) memlekettik aýdıt jáne qarjylyq baqylaý organdarynyń memlekettik aýdıt jáne saraptamalyq-taldaý is-sharalarynyń nátıjeleri; 4) arnaıy maqsattaǵy aýdıttiń nátıjeleri; 5) nysanaly transfertter boıynsha nátıjeler týraly kelisimder, bólingen nysanaly transfertterdi paıdalaný esebinen qol jetkizilgen tikeleı jáne túpkilikti nátıjeler týraly esepter; 6) mindettemeler boıynsha qarjylandyrýdyń jıyntyq jospary, túsetin túsimder men tólemder boıynsha qarjylandyrýdyń jıyntyq jospary; 7) bıýdjettik baǵdarlamalar ákimshileriniń mindettemeleri men tólemderi boıynsha qarjylandyrý josparlary; 8) memlekettik mekemelerdiń mindettemeleri men tólemderi boıynsha jeke qarjylandyrý josparlary; 9) Qazaqstan Respýblıkasynyń bıýdjet zańnamasynda, býhgalterlik esep jáne qarjylyq eseptilik týraly zańnamasynda kózdelgen, bekitilgen qarjylyq eseptilik, qosymshalarymen birge; 10) memlekettik aýdıt jáne qarjylyq baqylaý obektileriniń aýdıtorlyq eseptiligi; 11) bıýdjettik eseptilik jáne bıýdjet kiristerine baılanysty eseptilik; 12) memlekettik jáne vedomstvolyq statıstıkadan memlekettik aýdıtti jáne saraptamalyq-taldaý qyzmetin júrgizý úshin qajetti aqparat. 9. Memlekettik aýdıt jáne qarjylyq baqylaý organdary Biryńǵaı derekqorǵa ornalastyrý úshin memlekettik aýdıt jáne qarjylyq baqylaý materıaldaryn Esep komıtetine mynadaı merzimderde: osy Qaǵıdalardyń 8-tarmaǵynyń 1), 5) - 9), 12) tarmaqshalary boıynsha – turaqty; osy Qaǵıdalardyń 8-tarmaǵynyń 2) - 4), 10), 11) tarmaqshalary boıynsha – bekitilgennen keıin bes jumys kúni ishinde usynyp otyrady. Osy Qaǵıdalardyń 8-tarmaǵynyń 1) - 12) tarmaqshalarynda kórsetilgen qujattarǵa ózgerister men tolyqtyrýlardy aqparatty jetkizýshi olar engizilgen kúnnen bastap, bes jumys kúninen keshiktirmeı Esep komıtetine jiberedi. 10. Memlekettik aýdıt jáne qarjylyq baqylaý obektileri Biryńǵaı derekqordy tolyqtyrý úshin qajetti aqparatty memlekettik aýdıt jáne qarjylyq baqylaý organdarynyń suraý salýlary boıynsha olardyń belgilegen merzimderinde usynady. 11. Biryńǵaı derekqorǵa arnalǵan aqparat memlekettik aýdıt jáne qarjylyq baqylaý týraly zańnamada belgilengen ne Esep komıteti tıisti suraý salýynda belgilegen nysan boıynsha usynylady. 12. Biryńǵaı derekqordy qalyptastyrý úshin memlekettik aýdıt jáne qarjylyq baqylaý organdarynyń aqparattyq júıeleri arasyndaǵy aqparat almasý, Qazaqstan Respýblıkasynyń Ulttyq kýálandyrý ortalyǵy bergen aqparattyq júıeni ıelenýshiniń elektrondyq sandyq qolyn paıdalana otyryp, XML-formatyndaǵy elektrondyq habarlamalar arqyly júzege asyrylady. Usynylǵan aqparat Esep komıtetiniń syrtqy ınternet-resýrsyna memlekettik jáne orys tilderinde ofıstik formattaǵy elektrondyq faıldarda ornalastyrylady. 13. Esep komıtetiniń Biryńǵaı derekqordy ákimshilendirýi: 1) Biryńǵaı derekqorǵa derekterdi engizýdi jáne olardyń saqtalýyn qamtamasyz etýdi; 2) Biryńǵaı derekqorǵa engizilgen málimetterdi memlekettik aýdıt organdary usynǵan derekterge sáıkes, sondaı-aq memlekettik organdardyń aqparattyq júıesiniń derekterine súıene otyryp jeke bastamasy boıynsha ózektendirýdi; 3) Biryńǵaı derekqordaǵy aqparatty taldaýdy jáne óńdeýdi; 4) memlekettik aýdıt jáne qarjylyq baqylaý organdary men memlekettik aýdıt jáne qarjylyq baqylaý obektileri derekteriniń Biryńǵaı derekqorǵa ýaqtyly jáne dáıekti engizilýin baqylaýdy; 5) táýekelderdi basqarý júıesiniń jumys isteýi úshin ólshemsharttardy belgileýdi; 6) ishki memlekettik aýdıt jónindegi ýákiletti organnyń kameraldyq baqylaý júrgizýi úshin olardyń táýekelderdi basqarý júıesin úılestirýdi; 7) Biryńǵaı derekqordy «elektrondyq úkimet» júıesimen jáne memlekettik organdardyń aqparattyq júıelerimen ıntegrasııalaýdy; 8) Biryńǵaı derekqordyń damýyn qamtamasyz etýdi; 9) memlekettik baqylaý jáne qadaǵalaý organdarymen aqparat almasýdy qamtıdy. 14. Esep komıteti: 1) Biryńǵaı derekqorǵa engizý úshin aqparatty alǵan kezden bastap on jumys kúni ishinde ony osy Qaǵıdalardyń talaptaryna sáıkestigine, sonyń ishinde memlekettik organdardyń aqparattyq júıelerin paıdalaný arqyly tekserýdi júzege asyrady; 2) tekserýdiń nátıjeleri boıynsha eki jumys kúni ishinde: aqparat osy Qaǵıdalarda belgilengen talaptarǵa sáıkes kelgen jaǵdaıda Biryńǵaı derekqorǵa tıisti málimetterdi engizedi jáne ornalastyrý mekenjaıyn/bólimin kórsete otyryp, tıisti málimetterdi Biryńǵaı derekqorǵa engizý (qosý) týraly aqparatty, habarlamany aqparat jetkizýshiniń elektrondyq mekenjaıyna jiberedi; aqparat tolyq emes nemese tıisinshe resimdelmegen ne osy Qaǵıdalarda belgilengen talaptarǵa sáıkes kelmegen jaǵdaıda, elektrondyq mekenjaıǵa Biryńǵaı derekqorǵa engizýden ýájdelgen bas tartý jiberedi. Aqparat jetkizýshi Esep komıtetinen Biryńǵaı derekqorǵa aqparatty engizýden ýájdelgen bas tartý alǵannan keıin bes jumys kúni ishinde eskertýlerdi joıa otyryp, túzetýdiń sebepteri týraly túsindirmemen birge túzetilgen aqparatty jiberedi. 15. Aqparat jetkizýshiler Biryńǵaı derekqor qalyptastyrý úshin usynylatyn derekterdiń anyqtyǵy men tolyqtyǵy úshin jaýapty bolady. 3. Biryńǵaı derekqordy paıdalaný tártibi 16. Biryńǵaı derekqorda qamtylatyn málimetter www.esep.gov.kz mekenjaıy boıynsha ınternet-resýrsqa ornalastyrylady: Paıdalanýshylar tarapynan Biryńǵaı derekqordyń quramdasyna qol jetkizý úshin Web-klıentter qoldanylady. Biryńǵaı derekqordyń paıdalanýshylary memlekettik aýdıt jáne qarjylyq baqylaý organdary bolyp tabylady. 17. Biryńǵaı derekqordy paıdalanýshylarǵa Biryńǵaı derekqorǵa qol jetkizýdiń mynadaı deńgeıleri: 3-tarmaqtyń 1), 3) tarmaqshalarynda kórsetilgen organdarǵa – tolyqtaı qol jetkizý; 3-tarmaqtyń 2) tarmaqshasynda kórsetilgen organdarǵa – tıisti ákimshilik-aýmaqtyq birliktiń jergilikti bıýdjetiniń derekteri boıynsha; 3-tarmaqtyń 4), 5) tarmaqshalarynda kórsetilgen organdarǵa – tıisti memlekettik organnyń, jergilikti atqarýshy organnyń nemese ortalyq memlekettik organnyń vedomstvosynyń derekteri boıynsha deńgeıler usynylady. 18. Aqparatty qabyldaý/berý «Memlekettik organdardyń biryńǵaı kólik ortasynyń operatory týraly» Qazaqstan Respýblıkasy Úkimetiniń 2011 jylǵy 30 jeltoqsandaǵy № 1719 qaýlysyna sáıkes Memlekettik organdardyń biryńǵaı kólik ortasynyń baılanys arnasy arqyly júzege asyrylady. Memlekettik aqparattyq júıelerdiń jumys isteý senimdiligi men qaýipsizdigin qamtamasyz etý úshin elektrondyq aqparattyq resýrstardy saqtaý, óńdeý jáne berý úshin paıdalanylatyn tehnıkalyq quraldar tehnıkalyq retteý jáne aqparattandyrý salasyndaǵy zańnama talaptaryna sáıkes kelýi tıis. Buıryq Qazaqstan Respýblıkasynyń Ádilet mınıstrliginde 2015 jylǵy 22 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12459 bolyp engizildi.