AQMOLA. 28 qańtar. Aqmola oblysy Býrabaı aýdanynyń ortalyǵynda «Aq jelken» oıyn-saýyq ortalyǵy ashyldy. Bul týraly Aqmola oblysy ákiminiń baspasóz qyzmetine silteme jasaǵan egemen.kz tilshisine habarlady.
Jańa nysan sýpermarketpen, dárihanamen, dámhanamen jáne balalardyń oıyn-saýyq ortalyǵymen jabdyqtalǵan. Kásiporyn 500 sharshy metr aýmaqty alyp jatyr jáne kassalyq, qoımalyq ǵımarattarmen, beınebaqylaý jelisimen tolyq qamtylǵan.
Atalǵan nysan «Bıznestiń jol kartasy-2020» baǵdarlamasy aıasynda paıdalanýǵa berilip otyr. Zamanaýı oıyn qondyrǵylarymen jabdyqtalǵan ortalyq balalardy ata-analarymen birge, kún saıyn qabyldaıdy. Ortalyq basshysy Bilál Sákenovtiń aıtýynsha, bul jerde jetkinshekterdiń túrli merekeleri uıymdastyrylady.
Jobanyń jalpy quny – 35,7 mln. teńge. Ortalyqtyń ashylý rásimine qatysqan Aqmola oblysynyń ákimi Sergeı Kýlagın jańa nysannyń jumysyna sáttilik tiledi.
Baqbergen Amalbek.
Derek, sýret: egemen.kz.
