Apatqa ushyraǵan tikushaq ishindegi barlyq jolaýshy qaza tapty

ALMATY. 28 qańtar. Izdeý jumystaryn uıymdastyrý shtaby joǵalǵan tikushaq synyqtary Almaty oblysynyń  Qapal aýylynan úsh shaqyrym jerde taý shatqalynan tabylǵanyn jarııa etti. Bul týraly Qazaqstan Respýblıkasynyń Ishki ister mınıstrligi tótenshe jaǵdaılar komıtetiniń baspasóz qyzmetine silteme jasaǵan egemen.kz tilshisi habarlady. Tikushaq apatyna oraı qozǵalǵan qylmystyk is aıasynda tergeý júrgizilýde. Qazaqstan Respýblıkasynyń Ishki ister mınıstrligi tótenshe jaǵdaılar komıtetiniń resmı ókili  Rýslan Imanqulovtyń aıtýynsha, Qazaqstan Respýblıkasynyń Ishki ister mınıstri, polısııa general-polkovnıgi Qalmuhambet Qasymovtyń buıryǵymen ishki ister mınıstriniń orynbasary V.K. Bojko oqıǵa ornyna ushyp ketti. Esterińizge sala keteıik, keshe saǵat 17:47-de tirkeý ortalyǵyna saǵat 17:10-da «Aspan» kompanııasynyń bort nómiri UP-MD 600-N tikushaǵymen baılanys joǵalǵany týraly habarlama kelip túsken. Aýa raıynyń qolaısyzdyǵana qaramastan izdeý jumystaryna 500 adam, 20 tehnıka jumyldyryldy. Tikushaqta 5 adam bolǵan. Olar ushqysh V. Kondratıýk (1967 j.), dáriger-gematolog B. Qaısanov (1964 j.), feldsher G. Hamıtova (1993 j.), Qarlyǵash Ábilqasym (1989 j.) jáne onyń sábıi Baǵym Ábilqasym(2015 j.) Tikushaq úsharaldyq naýqas 2 aılyq sábıdi Taldyqorǵanǵa jetkizýge baǵyt alǵan edi. Talǵat Súıinbaı. Derek, sýret: Qazaqstan Respýblıkasynyń Ishki ister mınıstrligi tótenshe jaǵdaılar komıtetiniń baspasóz qyzmeti.