Qostanaıda shoshqa tumaýy tirkeldi

QOSTANAI. 28 qańtar. Oblysta laboratroııalyq taldaýdan keıin 16 adamnyń shoshqa tumaýyna shaldyqqany belgili boldy. Bul týraly Tutynýshylar quqyn qorǵaý departamentiniń aqparatyna silteme jasaǵan egemen.kz tilshisi habarlady. Qazir oblysta barlyǵy juqpaly vırýsty sýyq tıip aýyrǵan 23 876 adam tirkelgen, onyń 16-sy laboratorııalyq taldaýlar kórsetkendeı shoshqa tumaýy ekeni belgili bolǵan. Tutynýshylar quqyn qorǵaý departamentiniń dırektory Vladımır Nechıtaılo: «Tumaýdyń A (N1N1) túri oblysta tirkelip otyr, bul tek bizde emes álemde jaıylyp otyrǵany belgili. Tumaýmen qatar oblysta juqpaly vırýsty sýyq tıip aýyrý da keń tarap ketti. О́tken jyly munymen 20 myńdaı adam aýyrǵan edi, bıyl qazan aıynan bastap búginge deıin olardyń qatary 23876-ǵa jetti», – dedi. Vladımır Semenovıchtiń aıtýynsha aýyrǵandar negizinen 14 jasqa deıingi balalar. Dárigerler shoshqa tumaýyn alǵashqy 1-2 kúnde emdeýdi qatań esýkertip otyr, áıtpese meńdep ketýi ábden múmkin. Qazir oblys boıynsha juqpaly vırýsty sýyq tıip aýyrǵan 77 adam aýrýhanaǵa jatqyzyldy, onyń arasynda 4 ekiqabat áıel jáne bir jasqa deıingi 25 bala bar. Qazir oblystaǵy úsh aýdan men úsh qalada shekteý sharalary júrgizilip jatyr. Bala baqshalarda tańerteńgi súzgi sharasy ótkizilip, aýyrǵan búldirshinder birdennen emhanaǵa jiberiledi, sondaı-aq mektepter men bala baqshalarda kópshilik sharalar ótkizilmeıdi, eger synypta oqýshylardyń 30 paıyzy aýyrsa, oqý úderisi toqtatylady. Názıra Járimbetova. Derek, sýret: egemen.kz.