Qostanaıda qoǵamdyq kólikter jasaǵan jol apaty artýda

QOSTANAI. 28 qańtar. Qostanaı oblysynda ótken jyly jolaýshylar tasymaldaıtyn qoǵamdyq kólikterdiń qatysýymen bolǵan jol-kólik oqıǵalary 10 paıyzǵa kóbeıgen. Osy jol apattary 6 jolaýshynyń ólimine sebep bolǵan. Oblystyq prokýratýranyń úılestirý keńesinde osyndaı aqparat aıtyldy. Bul týraly egemen.kz tilshisi habarlady. Úılestirý keńesinde oblys kóleminde jalpy jol-kólik oqıǵalarynyń 2014 jylǵa qaraǵanda 2015 jyly 15,9 paıyzǵa azaıyp, odan zardap shekkender sany 17,4 paıyzǵa, qaza tapqandar 17.9 kemigendigi aıtyldy. Alaıda jolaýshylar tasymaldaıtyn qoǵamdyq kólikter qatysqan jol apaty kóbeıgen. Oǵan birneshe sebep aıtyldy. Ásirese avtobýs júrgizýshileriniń jaýapsyzdyǵy men kásibı mashyǵynyń tómendigi basa aıtyldy. О́tken jyly  prokýratýra tekserisiniń barysynda avtobýstar men shaǵyn avtobýstardyń 220 júrgizýshisi ákimshilik jaýapkershilikke tartylǵan. Onyń ishinde 155-i eki ret, 60 júrgizýshiniń jaýapsyzdyǵy men tirtipsizdigi bir emes, birneshe ret tirkelgen. Qostanaı oblysy boıynsha tekserilgen júrgizýshilerdiń 35 paıyzynyń ishimdik ishkeni nemese psıhotroptyq zattar qabyldaǵany anyqtalady. Jol apatyna baılanysty Qostanaı qalasynda 1264 júrgizýshini medısınalyq tekserýden ótkizgende onyń 71-iniń ishimdik ishkeni, 5 adamnyń  esirtki paıdalanǵany anyqtalǵan. Úılestirý keńesiniń músheleri kólik júrgizýge oqyǵandarǵa talapty kúsheıtý kerektigin aıtty. Názıra Járimbetova. Derek, sýret: egemen.kz.