Basketbol. «Astana» Estonııada jergilikti «Kalevten» basym tústi

ASTANA. 24 qańtar. Búgin VTB Biryńǵaı lıgasy sheńberinde «Astana» basketbol komandasy syrt alańda Estonııanyń «Kalevimen» synǵa tústi. Nátıjesinde elordalyqtar 86:80 esebimen jeńiske jetti. Bul týraly egemen.kz tilshisi habarlady. Estonııa astanasy – Tallın qalasynda ótken kezdesýdiń birinshi kezeńi «Astananyń» paıdasyna 24:21 esebimen aıaqtaldy. Ekinshi kezeńde de bizdiń komanda basym boldy (23:17). Esesine, úshinshi onmınýttyqta «Kalev» oıynshylary shıraqtyq tanytyp, 25:18 esebimen jeńiske jetti. Alaıda, tórtinshi bólikte taǵy da astanalyqtardyń mereıi ústem boldy (21:17). Osylaısha, jalpy nátıjede jeńiske jetken Ramýnas Býtaýtastyń shákirtteri týrnır kestesindegi jaǵdaıyn aıtarlyqtaı jaqsartyp aldy. Búginde «Astana» 9-orynda tur. Basketbolshylarymyz kelesi kezdesýin 1 aqpanda óz alańynda Krasnodardyń «Lokomotıv-Kýban» komandasymen ótkizedi. Elaman Qońyr. Derek: egemen.kz. Sýret: bcastana.kz.