Nar jolynda júk qalmaıdy

«Nur Otan» partııasynyń kezekten tys XVII sezine delegat bolyp qatysý baqytyna ıe boldym. Jalpy, bala kúnimnen sezd delegattaryna degen qurmetim erekshe bolatyn. Meniń sol kezdegi uǵymymda olar barshamyzdyń kókeıimizde júrgen túrli suraqtarǵa jaýap taýyp, kúrdeli máselelerdi sheshetin, bir sózben aıtqanda, eldiń muńyn muńdap, joǵyn joqtaıtyn izgi jandar retinde qalyp qoıǵan edi. Endi at jalyn tartyp minip eseıgen kezimizde de osy qundylyqtardyń ózgermegenine kózim jetti. Jaqsy ózgerister aldyndaǵy alqaly jıyn meni erekshe sezimge bóledi, sanama memleketshildik nuryn quıyp, ıgi isterdiń bastaýynda júrsem degen nıetime kúsh-qýat berdi. Sezd jumysyna keler bolsaq, «Nur Otan» dál qazirgi qıyn ýaqytta bizdiń eldiń taǵdyryna jaýap beretin saıası kúsh ekenin taǵy bir márte kórsetti. Partııa Kóshbasshysy, elimizdiń Tuńǵysh Prezıdenti bizdiń uıymnyń aldynda turǵan asqaraly mindetterdi atap kórsetti, bolashaqqa jol siltedi, senim bildirdi. Elbasynyń jigerli de mazmundy sózi sezd delegattaryna úlken oı saldy, olardyń halyq aldyndaǵy jaýapkershiligin arttyra tústi degen senimdemin. Iá, partııanyń saılaýaldy baǵdarlamasy qabyldanyp, uıymymyzdyń atynan depýtattyqqa úmitkerler anyqtaldy. Búgingi kúnniń shyndyǵy partııa qataryndaǵy jańasha mazmunda oılaıtyn, jan-jaqty bilimi bar, parasat-paıymy mol úmitkerlerdiń synǵa túskenin qalaıdy. Endigi maqsat – Elbasy, partııamyzdyń Tóraǵasy nusqaǵan jolmen júrip, halyqtyń sózin sóılep, senimin aqtaý. Álbette, bul jalań sóz bolmaýy tıis. Dál qazirgi ýaqytta bizdiń ekonomıkamyzda, áleýmettik salada qordalanyp qalǵan máseleler jetkilikti. Osy jáne halyqtyń kókeıinde júrgen basqa da problemalardyń sheshimin tabýdyń ózi Elbasynyń «Ult Jospary – qazaqstandyq armanǵa bastaıtyn jol» atty maqalasynda atap kórsetken mindettermen qabysyp jatyr. Aldymyzda syn tur. Senim artyp, qoldaý bildirip turǵan qara orman halqymyz barda qandaı da bolsyn qıyndyqpen qaımyqpaı kúresýimiz kerek. «Nar jolynda júk qalmas» degen dana halqymyz. Kezekten tys sezden keıin el senimin arqalaǵan nar partııa «Nur Otannyń» da jolynda oryndalmaǵan mindet, aqtalmaǵan úmit qalmasyna senimdimin! Bekzat ALTYNBEKOV, «Nur Otan» partııasynyń múshesi, kásipker, Jezqazǵan qalalyq máslıhatynyń depýtaty, Jalpyulttyq «Altyn Júrek» syılyǵynyń ıegeri.