Musylman qyzy shyrqaǵan «Ave Marııa»

Reseıdiń Túmen oblysyndaǵy Tobolsk qalasynda ornalasqan «Áýlıe Úshtik» hramynda musylman qyzy Zemfıra Sharıpova Shýberttiń, Baho-Gýnonyń, Arkadelttiń jáne Kachanıdiń «Ave Maria» dep atalǵan týyndylaryn oryndap, Rojdestvoǵa jınalǵan hrıs­tıan qaýymǵa ózindik bir syı-sııapat jasady. Al organ men vokaldy mýzyka konserti keshine katolık, pravoslavıe jáne musylman dinderiniń ókilderi qatysty. Sońynda hram nastoıateli Darıýsh Stanchık joǵary deńgeıdegi mýzykalyq ónerdiń adamdardy jaqyndastyratynyn aıta kelip, osyndaı qyz ben nemere tárbıelegenderi úshin Zemfıranyń ata-anasy men ájesine alǵys sezimin bildirdi. Qala basshysy Vladımır Mazýr konsert kezinde óziniń jany rahat taýyp, ózgeshe bir kúı keshkenin jetkize turyp, osyndaı úılesimdilikti búkil qala jurtyna tiledi. – Zemfıra Sharıpova – bizdiń Tobolskidegi tilshimiz, – dedi «Mýslım-ınfo» gazetiniń redaktory Kalıl Kabdýlvahıtov. – Ol – Tobolskide HH ǵasyrdyń basynda progres­sıvti kózqarastaǵy musylmandar qaýym­dastyǵynyń negizin qalaǵan Hızralı Bakıevtiń shóberesi. О́te talantty qyz, saıahatqa shyqqan­dy jaqsy kóretin izdenimpaz jas. Ol osy kezge deıin Mysyrda, Ámirlikte, Túrkııada, О́zbekstanda, Ázerbaıjanda, Qazaqstanda, Ýkraınada, sondaı-aq, Reseıdiń kóptegen aımaqtarynda bolyp úlgergen. Endi bıyl Iran men Tájikstanǵa baryp qaıtýdy armandap júr. Zemfıra tek bizdiń gazetimizdi ǵana emes, sondaı-aq, Umma72.ru atty portalymyzdy da musylman qaýymy jańalyqtarymen qamtamasyz etip, saıahattary barysynan jaqsy sýrettemeler jazyp turady. Aıta keteıik, «Ave Marııa» (latynshadan aýdarǵanda, «Qýan, Marııa») – hrıstıan dininiń támsilderine saı, Gavrııl (Jábireıil) perishteniń áýlıe Marııaǵa Iısýsty bosanyp jatqan kezinde ıgilik pen jaqsylyq tilep aıtqan tileginiń birinshi sóz tirkesi. Damır QOJAMQUL.