Almatyda Kákimjan Qazybaev týraly kitap jaryqqa shyqty

ALMATY. 9 aqpan. Almaty qalasyndaǵy ál-Farabı atyndaǵy Qazaq ulttyq ýnıversıtetinde belgili memleket jáne qoǵam qaıratkeri, jazýshy-jýrnalıst Kákimjan Qazybaevtyń ómirinen syr shertetin «О́negeli ómir» serııasy boıynsha jaryq kórgen kitaptyń tusaýkeseri bolyp ótti. Bul týraly egemen.kz tilshisi habarlady. Taǵylymdy ǵumyr keshken azamattyń júrip ótken joly, jýrnalıstıkadan bastap qoǵam qaıratkerligine deıingi ǵıbratty ǵumyry osylaısha kitap bolyp, keleshekke jol tartty.  Kitap ál-Farabı atyndaǵy Qazaq ultyq ýnıversıtetiniń «О́negeli ómir» serııasy jobasy aıasynda jaryq kórip otyr. Kákimjan Qazybaevtyń shyǵarmashylyǵyna arnalǵan basqosý stýdentter úshin sheberlik dáristeri syndy qyzyqty ótti. Al tusaýkeser rásimin ýnıversıtet rektory Ǵalymqaıyr Mutanov ashyp, Qazybaevtyń kózin kórgen tustastaryna, áriptesterine sóz berdi. Memleket jáne qoǵam qaıraterleri Bıjamal Ramazanova, Shámshá Berkimbaeva, Sarbas Aqtaev, Sofy Smataev, Ábilákim Áýbákirov syndy tanymal adamdardyń estelikteri este qalarlyqtaı áserli órbidi. Tusaýkeser sońynda Kákimjan Qazybaevtyń aıaýly jary, Qazaqstan Respýblıkasynyń eńbek sińirgen qaıratkeri Orynsha Qarabalına sóz alyp, otbasy atynan Kákimjan aǵamyz túlep ushqan bilim qarashańyraǵyna alǵys aıtyp, jastar aıta júrerlikteı tebirenisti estelikterimen bólisti. Aınash Esalı. Derek, sýret: egemen.kz.