«Kóńil qymbat» kitaby oqyrmanǵa jol tartty

Keshe Qazaqstan Jazýshylar odaǵynyń múshesi, qoǵam qaıratkeri, aqyn, jýrnalıst, jazýshy jáne sazger Ákim Ysqaqtyń «Kóńil qymbat» atty shyǵarmashylyq keshi ótti. Oǵan elimizdiń bedeldi tulǵalary, bas redaktorlar klýbynyń músheleri, qoǵam qaıratkerleri men aqyn-jazý­shylar, ustazdar jáne stýdentter qatysty. Aqynnyń «Kóńil qymbat» dep atalatyn jańa kita­bynyń tusaýkeser «lentasyn» akademık Bolat Kómekov pen Eltańba avtory Jandarbek Málibekov qıdy. Kóńildi keshtiń qurmetti qonaqtary jazýshynyń óleńderin jatqa oqyp, ánderin oryndady. – Búgingi basqosýdyń orny erekshe, olaı bolatyn sebebi, meniń «Kó­ńil qymbat» degen avtorlyq radıo­­­baǵdarlamam bar. Men osy baǵdarlamany birneshe jyldan beri júrgizip kelemin. Endi, mine, arnaıy kitap etip shyǵardyq. Shynynda da, adam balasyna myna ómirde kóńilden qymbat eshteńe joq. Seniń qanshama mıllıondaǵan aqshań bol­ǵanymen, adam­dyq qa­sıetiń bolmasa eshkim de baǵalamaıdy. Qazaqta «kúlki – ashylǵan gúl, kóńil – shashylǵan nur» degen jaqsy bir maqal bar.. Myna ómirge kelgen árbir azamat adam­dyq qasıetimen tanylyp, bireýge jaqsy sózin arnasa ǵana, jaqsy jaýap estıtini anyq. Sol se­bepti, bul fánıde adam­dyq kóńildiń qymbat ekendigine esh talas joq. Jalpy, búgingi kezdesý Táýel­siz­digimizdiń 25 jyldyǵyna, Qazaq radıo­synyń 95 jyldyǵyna jáne Shalqar radıosynyń 50 jyldyǵyna arnalyp otyr, – dedi kesh ıesi Ákim Ysqaq. Sonymen qatar, aqynǵa «Halyq­aralyq jýrnalıster odaǵynyń múshe­si» tósbelgisi tabys etildi. Elmıra MÁTIBAEVA, «Egemen Qazaqstan».