Almatyda kólikter soqtyǵysyp, áýe reısteri keıinge shegertildi

ALMATY. 10 aqpan. Qystyń sońǵy aıynyń ekinshi onkúndiginde jaýǵan qar qala turǵyndaryn biraz ábigerge saldy. Alǵashynda toqtaýsyz sebelegen muzdaqtyń arty appaq qarǵa ulasty. Bir táýlik ishinde qala kóshelerinde 100-ge taıaý jol-kólik apatynyń bolýyna sebepshi boldy. Bul týraly qalalyq ishki ister departamentiniń baspasóz ortalyǵyna silteme jasaǵan egemen.kz tilshisi habarlady. Alataý eteginde 25, qalada 15 santımetrlik qalyńdyqta túsken appaq qardyń qazir yzǵary da kúsheıip tur. Qalany qardan tazalaýǵa  910 jumysshy, 600-ge jýyq túrli tehnıka jumyldyryldy. «Qazgıdromettiń» boljamy boıynsha, qala aýmaǵynda qar qylaýy keshke deıin basylmaıdy. Osyǵan baılanysty Almatynyń halyqaralyq áýe jaıynda respýblıkanyń ishki aýmaǵyna ushatyn 7 reıs keıinge shegerildi. Talǵat Súıinbaı. Derek, sýret: Almaty qalalyq ishki ister departamentiniń baspasóz ortalyǵy.