«Qazaqstan» teleradıokorporasııasy jańa aksııa bastady

ASTANA. 10 aqpan. «Qazaqstan» telearnasy men «Qazaq» radıosy «Naýryz tilek!» atty jańa aksııany bastady. Bul týraly egemen.kz tilshisi habarlady. Aksııaǵa qatysqan árbir otandasymyz Naýryz merekesine baılanysty óziniń týǵan týysqandaryn, búkil eldi quttyqtaýǵa múmkindik alyp, ystyq tilekterimen bólisip, baǵaly syılyqtardyń ıegeri atanady. Sharaǵa qatysqysy keletinder  1 naýryzǵa deıin óziniń aýdıo, vıdeo nemese mátin túrindegi Naýryz merekesimen quttyqtaýyn nauryz@kaztrk.kz elektrondyq poshtasyna jiberý nemese 8 (7172) 55-33-26, 55-33-37 nomerlerine habarlasýy kerek. Sonymen birge facebook, instagram, vk, twitter áleýmettik jelilerdiń bireýimen «Qazaqstan» RTRK paraqshasyna jazylyp, óziniń quttyqtaýyn baıqaýdyń posterimen salý kerek. Quttyqtaýda heshteg #nauryztilek kórsetilýi tıis. Eń daryndy qatysýshyny korporasııanyń kórkemdik keńesi irikteıdi jáne ony mereke qarsańynda jarııalaıdy. Baıqaýdyń jeńimpazyna uıaly telefon, ekinshi orynǵa planshet, úshinshi oryn alǵan adamǵa elektrondy kitap beriledi. Aksııa boıynsha barlyq jańalyqtardy nauryz.kaztrk.kz saıtynan qaraýǵa bolady. Dastan Kenjalın. Derek, sýret: «Qazaqstan» RTRK.