Aqparattar aǵyny

● Respýblıkamyzda aýyl sha­rýashylyǵy maqsatyndaǵy jerlerdi alý jeńildetiledi. Ult­tyq ekonomıka mınıstrliginiń habar­laýynsha, endi elimizdegi kásip­kerler jerlerdi kadastrlyq quny­nyń 50 paıyzdyq jeńildik baǵa­men 10 jylǵa deıin bólip tóleý ar­qyly jalǵa alýǵa bolady. So­nymen qatar, sheteldik kompa­nııa­larǵa jerdi jalǵa berý merzimi 10 jyldan 25 jylǵa deıin uzartyldy. ● Elimizde jalǵa beriletin turǵyn úılerdiń salyǵy tó­men­detildi. Bul «Qazaqstan ıpote­kalyq kompanııasy» aksıonerlik qoǵamynyń jelisi boıynsha júzege asyryldy. Jalpy, atalǵan kompanııa 2020 jylǵa deıin óńirlerdi damytý baǵdarlamasy aıasynda «Jaldamaly turǵyn úı» jobasynyń basty operatory. ● О́tken jyly elimizdiń oqýshylary bilim básekesinen 1300-den astam medal jeńip alǵan. Daryndy shákirtter bir jylda 30-ǵa jýyq halyqaralyq bilim dodasyna qatysyp, 276 altyn, 384 kúmis, 629 qola medal, 20 gramota ıelengen. Sondaı-aq, Bilim jáne ǵylym mınıstrligi bıylǵy jyly da oqýshylar túrli halyqaralyq jarystarda top jarady dep boljap otyr. ● Astanada 2015 jyly 43 turǵyn úı kúrdeli jóndeýden ótti. Qala ákiminiń orynbasary Qosman Aıtmuhametovtyń aıtýynsha, Astanada aımaqtardy damytýdyń 2020 jylǵa deıingi baǵdarlamasy sheńberinde 14 úıde 26 lıft jańalanyp, 5 úıdiń shatyry jóndeýden ótken. Sondaı-aq, 17 kópqabatty turǵyn úıde 31 lıft aýystyrylǵan. ● Almatyda polıseıler jol apatyna túskenderdiń ómiri úshin qan tapsyrdy. Bul «Myń ıgi is» aksııasy aıasynda júzege asty. Almaly aýdanynyń tártip saqshylar «Adam ómirin arashalaýǵa óz úlesimizdi qosý úshin donor bolý bizdiń azamattyq paryzymyz», – deıdi. ● Ońtústik Qazaqstan oblysynda 9 qabatty turǵyn úı kesheniniń qurylysy bastal­dy. Jospar boıynsha 48 páterden turatyn 9 qabatty eki úı salyný kerek. Atalǵan jobany «Shymkent» áleýmettik-kásipkerlik korporasııasy aksıonerlik qoǵamy men «Ońtústik qurylys servıs» seriktestigi birlesip júzege asyrmaqshy. ● Jambyl oblysyn­da «Beı­bitshilik pen jasam­paz­dyqtyń 25 jyly» atty fleshmob ótti. Sharada 100-ge jýyq jas «Qara jorǵa» ánine bılep, patrıottyq sezimdi arttyratyn shoý kórsetti. Jalpy, aksııanyń maqsaty – egemen elimizdegi otansúıgishtik sezim­di eseleý, beıbitshilik, keli­sim, qoǵamnyń birligi, ekonomı­ka­lyq jáne áleýmettik turaqty­lyqty nyǵaıtý bolyp tabylady. ● Aqmola oblysy Stepno­gor qalasyndaǵy áleýmettik ja­ǵynan az qamtylǵan toptar­ǵa arendalyq baspana berilmek­shi. Osy oraıda qala ákimdigin­de bıznestiń áleýmettik jaýap­ker­shiligi aıasynda atalǵan toptar úshin qolaıly jaǵdaılar ja­saý týraly memorandýmǵa qol qoıyldy. Aıta keteıik, búgin­de birneshe turǵyn úılerde áleý­met­tik az qamtylǵan otbasylar baspa­naǵa qol jetkizgen. Habarlar Úkimet, oblystyq ákimdikter saıttary, «QazAqparat» agenttigi jáne «24kz» telearnasynyń derekteri boıynsha daıyndaldy.