Partııa usynǵan zań jobasyna túsinik berdi

Qazaqstannyń «Aq jol» demokratııalyq partııasynyń ókilderi Almatyda «Jeke tulǵalar men jeke kásipkerlerdiń bankrottyq jaǵdaıy týraly» degen taqyrypta túrli sala ókilderiniń basyn qosyp, qoǵamdyq máseleni keńinen qozǵaıtyn jıyn ótkizdi. Bul taqyrypty tereńirek qozǵaýǵa álemdik ekonomıkadaǵy qazirgi ahýal men barlyq qoǵamda kezdesip otyrǵan ótpeli daǵdarys kezindegi azamattardyń áleýmettik quqyqtarynyń shektelý kó­rinisteri sebep boldy, deıdi aqjoldyqtar. Osy rette, partııa ókilderi qazirgi tańda kóptegen azamattar ekonomıkalyq quldyraý, jumysynan nemese eńbekke qabilettiliginen aıyrylý saldarynan óziniń qarjylyq jaǵdaıynyń nasharlaýyna, nesıelik jáne satyp alý múmkindiginiń tómendeýine, qajettilik úshin nesıege muqtaj bolý jáne qarjy uıymdarynyń joǵary paıyzdyq mólsherleme ustanýy keń etek alǵandyǵyn tilge tıek etedi. Jıynda keı jaǵdaıda áleýmettik kúızelistiń artýyn eskere otyryp, bank­ter qaryz alýshylarǵa belgili jeńil­dik­ter jasaıtyndyǵy, alaıda, bank tara­pynan júrgizilip otyrǵan nesıe alýshynyń ótinimin qaıta qaraý jeńildigi tutynýshynyń jaǵdaıyn qysqa mer­zimde jaqsartyp, belgili ýaqyt kezeńi aıaqtalǵannan keıin jańa qıyn­shylyq­tarmen betpe-bet qalatyndyǵy, qol­da­nystaǵy zańnama bereshektiń týyndaý tásiline qaraı ony óndirip alýdyń bir­qatar ádisterin kózdeıtindigi aıtyldy. Qazaqstannyń «Aq jol» demokratııalyq partııasy usynyp otyrǵan zań jobasynyń túpkilikti maqsaty bereshekti óndirip alýdyń kontrprodýktıvti tetigin qol­da­nýdy toqtatý jáne adal, biraq joly bolmaı qalǵan qaryz alýshylarǵa jańa múmkindik berý, sondaı-aq, respýblıka azamattarynyń tólem qabiletsizdigin retke keltirýdiń ózekti máselesin tıimdi sheshý joldaryn qarastyrady. Qanat ESKENDIR, «Egemen Qazaqstan». ALMATY. –––––––––– Sýretti túsirgen Borıs BÝZIN.