Akademık esep teńdeýin sheshken oqýshyǵa 1000 dollar syılyq bermek

Aqpan aıynda mektep oqý­shy­laryna arnalǵan «Al­go­rıfm» jýr­nalynyń bıylǵy birinshi nó­miri jaryq kórgen bolatyn. Bul basylymnyń bas redaktory ári quryltaıshysy – Aıman О́teshova. Eki aıda bir shyǵatyn jańa jýrnalda akademık Asqar Ju­madildaevtyń 60 jyldyǵyna oraı suhbaty jáne 35 «Altyn belgi» shyǵarǵan Ońtústik Qazaq­stan ob­lysyndaǵy Maq­taaral aýdanynyń Jetisaı qalasyndaǵy B.Momyshuly atyndaǵy mektep-gımnazııasy týraly maqala berilgen. Onda atalmysh mektep dırektory О́mirhan Qozybaqtyń qyzyqty oqytý ádistemeleri men akademık Asqar Jumadildaevtyń esep-jumbaǵy, erlikke para-par eńbekteri jan-jaqty ashyl­ǵan. Sonymen qosa, fızıka jáne matematıka taqyryptaryna ar­nal­ǵan qyzyqty maqalalar bar. Súısinetin jaıt – osy basylymda akademık Asqar Jumadildaev matematıkany shemishkeshe shaǵatyn bala­larǵa teńdeý jasyryp otyr. Ǵalymnyń jýrnalǵa bergen suhbatynda mynadaı joldar bar. – Balalarǵa qandaı qy­zyqty suraǵyńyz bar? – Suraq kóp. Mysaly h!+1=y2. Osy teńdeýdiń bútin sheshimderin tabý kerek. Eki sheshimin aıtyp bereıin. h=4, y=5, x! =24. 24+1=25. Taǵy bir sheshimi, x=5, y=11, 5!+1=120+1=121. Úshinshi sheshimi bar, balalar sony tapsa deımin. Tórtinshi sheshimi bar ma, joq pa? Tórtinshi sheshimin tapqan balaǵa 1000 $ syıaqy beremin. Eger meniń 60 jyldyq mereıtoıyma oraı tórtinshi sheshimdi tabatyn talantty bala tabylsa, onda maǵan úlken syı­lyq bolar edi. Osy eseptiń jaýabyn birin­shi bolyp shyǵarǵan oqý­shy «Al­gorıfm» jýrnaly redaksııa­syna jazylý túbir­tegimen qosa habarlassyn, dep­ti akademık. Aınash ESALI, «Egemen Qazaqstan». ALMATY.