О́li náreste órter aldynda tirilip ketti

Qytaıda máıithanada Selsıı boıynsha mınýs 12 gradýstyq sýyqta 23 saǵat jat­qan náreste tirilip ketti. Buǵan deıin dárigerler qaıtys boldy degen úkim shyǵaryp qoıǵan bóbek órteý rásimi ba­s­talýǵa sanaýly mınýttar qal­ǵan kezde ózinen ózi oıanǵan. Shaqalaq Chjenszıan provınsııasynda 8 qańtar kúni óziniń merziminen eki aı buryn týylǵan eken. Dárigerler ony ınkýbatorǵa salyp, 23 kún boıy qoldan tynystandyrǵan. Alaıda, munan keıin sábıdiń ata-anasy balalaryn dáriger­lerdiń qarsylyǵyna qaramas­tan, úılerine alyp ketipti. Olar Qytaı jańa jylyn otbasymen qarsy almaq bolǵan kórinedi. Biraq arada eki kún ótkende náresteniń jaǵdaıy kúrt nasharlap, erli-zaıyptylar ony aýrýhanaǵa qaıta jetkizgen. Al 4 aqpan kúni bala qaı­tys bolypty. Osydan keıin onyń denesi máıithanaǵa qoıylǵan. Kelesi kúni dárigerler ná­res­­teniń denesin órteý kamerasyna salyp jatqan tusta ol jylap jiberipti. Mamandar dereý ony jansaqtaý bólimine jetkizip, qaıtadan tynys alý apparatyna qosyp qoıady. Balany óldi dep sanaǵan doktor Chen áli kúnge deıin bu­ǵan qaıran qalyp otyr. «Men shynynda da ne bolǵanyn túsine alar emespin. Bul bir ǵajaıyp oqıǵa boldy», – deıdi dáriger. Al aýrýhana basshylyǵy bol­ǵan jaıtty dárigerlerdiń sal­ǵyrttyǵynan kórip otyr. Damır QOJAMQUL.