Qyzylordalyq kásipker 58 mıllıon teńgege jýyq qaryzyn qaıtaryp alady

QYZYLORDA. 11 aqpan. Qyzylordalyq kásipker 58 mıllıon teńgege jýyq qaryzyn qaıtaryp alady.Bul týraly Kásipkerler palatasy dırektorynyń mindetin atqarýshy Darhan Myrzalıevtiń aıtýy boıynsha egemen.kz tilshisi habarlady. О́tken jyly «Atameken» Ulttyq kásipkerler palatasyna qyzylordalyq «Konstrýktıv» JShS quqyǵyn qorǵaý jóninde ótinish jazǵan bolatyn. О́tinishte kásipker 2014 jyly «Igilik» korporatıvtik qorymen Qyzylorda qalasynda 3000 oryndyq ıppodrom salý jóninde kelisim shartqa qol qoıǵandyqtaryn aıtqan. Shartqa saı kásipker 2015 jyldyń 12 qazanyna deıin barlyq jumystardy atqaryp, memlekettik komıssııamen qabyldanady. Alaıda korporatıvtik qor tapsyrysty oryndaýshynyń aldynda mindettemesin oryndamaı, «Konstrýktıv» JShS-ne 57 965 987 teńge qaryz bolyp qalady. Kásipkerdi alańdatqan másele qarjynyń qaı ýaqytta tólenetindigine qatysty tapsyrys berýshiniń naqty jaýap bermeýi. Osy rette, kásipkerler palatasynan kómek suraǵan seriktestik basshysyna zańgerler kómek kórsetip, «Igilik» korporatıvtik qorymen kelissóz júrgizdi. Nátıjesinde qos tarap kelisimge kelip, qor jaqyn kúnderi qaryzyn óteıtin bolyp kelisti. Erjan Baıtiles. Derek, sýret: egemen.kz