ALMATY. 11 aqpan. Almatydaǵy Qazaq memlekettik qyzdar pedagogıkalyq ýnıversıtetinde qajet emes zattardan jasalǵan buıymdarǵa arnalǵan erekshe kórme ótti. Bul týraly egemen.kz tilshisi habarlady.
«Kórme ótkizý ıdeıasy stýdentterdi shabyttandyrdy. Qazylar alqasy osy jumystardyń arasynan eń úzdigin anyqtap, marapattady. Biz eńbekke baýlıtyn pánderde ǵana jańa zarttardy jasaýdy úıretetin bolsaq, endigi kezekte kez kelgen qyzyǵýshy jan arnaıy úıirmege qatysa alady. Sol sııaqty jańadan «Sheber qoldar» úıirmesin ashatyn bolamyz», – deıdi ýnıversıtettiń mektepke deıingi jáne bastaýysh kafedrasynyń meńgerýshisi Tursynaı Baınazarova.
Qııal júıriktigin kórsetýdi kózdegen pedagogıka jáne psıhologııa fakýlteti men «QazNur» gýmanıtarlyq kolledjiniń stýdentteri kórmege erekshe atsalysty. О́z mamandyqtary boıynsha kásibı ósýge sep bolatyn sharaǵa plastık bótelkelerden, qaqpaqtardan, lampalardan, gúlshoǵy oralǵan qaǵaz, lenta, karton, dısk syndy paıdalanylǵan zattardy qoldana otyryp jańa dúnıeler jasaǵan. Ár jumystyń ataýy, avtory kórsetilip, qazylar alqasyna usynyldy.
«Kóńildi ferma», «Kıra toraı», «Altyn balyq» degen ataýlardy alǵan san alýan zattar kózdiń jaýyn alady.
Kórmege qoıylǵan zattar ózindik ereksheligi, estetıkalyǵy, ekologııalyq qundylyǵy, paıdanylǵan materıaldardyń ártúrliligi boıynsha sarapqa salynyp, eń úzdikteri anyqtaldy.
Uıymdastyrýshylardyń aıtýynsha úzdik jumystar Abaı atyndaǵy QazUPÝ-da ótetin kórmege aparylady. Bul tájirıbe almasýǵa, kásibı shyńdalýǵa múmkindik bereri sózsiz.
Aınash Esalı.
Derek, sýret: egemen.kz.
