Skaıp-semınar

Qazaqstan Kommýnıstik halyq partııasynyń Ortalyq keńsesinde partııa basshylyǵy men oblystyq jáne qalalyq komıtetteri bel­sendileriniń qatysýymen elektoratty kezeńde Qazaqstan Respýblıkasy zańnamasyn ustaný boıynsha keńes beretin skaıp-semınar ótti. Jıynda sóz alǵan QKHP Ortalyq keńsesiniń basshysy V. Smırnov: «Zań­dy­lyqqa sáıkes, jumys júr­gizý – bizdiń negizgi usta­ny­mymyz. Partııa óz keze­ginde qazirgi zamanǵy kom­mýnıstik tárbıeniń negizi retinde qol­danystaǵy zań ta­lap­taryna basymdyq beredi. Son­dyqtan, biz úgit-nasıhat ju­mystaryna daıyn­dyq­ty zańnama boıyn­sha jat­tyq­tyrý semı­narynan bastaýdy jón kórip otyrmyz», – dedi. Semınar barysynda par­tııa ókilderi úgit-nası­hat jumystary barlyq kezeń­de qoldanystaǵy zań sheńberinde atqarylýy tıis ekendigin jetkizdi. Sondaı-aq, saılaý zańnamasy men tıis­ti sharalardy ótkizý erek­shelikterin taldaı kele, qol­danystaǵy zańnamany qatań ustaný qajettigin, par­tııanyń árbir múshesi ony qabyldap, qoldanyp jáne alǵan bilimin aýdandyq jáne bastaýysh uıymdardaǵy árip­testerimen bólisýi tıis­tigin atap ótti. Shara sońynda V.Smır­nov semınarda jınaqtalǵan tá­jirıbe oblys ortalyqtary men aımaqtardaǵy kommýnısterge partııanyń baǵdarlamalyq maqsattary men kommýnıstik usta­nym­daryn iske asyrý úshin úlken múmkindik beretinine senim bildirdi. Bul kúni, sonymen qatar, oblystyq jáne qalalyq ko­mı­tetterge úgit-nasıhat j­u­mystaryn retteıtin zań­ǵa qosymsha normatıvtik ak­ti­ler men zańnan úzindiler ji­be­rildi. Láıla EDILQYZY, «Egemen Qazaqstan».