PAVLODAR. 17 aqpan. Pavlodardaǵy «Qazaqstan alıýmınııi» aksıonerlik qoǵamynda Aýǵanstan jerinen Keńes áskeriniń shyǵarylǵanyna 27-jyl tolýyna baılanysty eńbek etip júrgen ınternasıonal-jaýyngerlerge qurmet kórsetilip, aqshalaı syıaqylar berildi. Bul jaıynda egemen.kz tilshisi habarlady.
«Qazaqstan alıýmınııi» kásiporynynda 30 ınternasıonal-jaýynger eńbek etýde. Olarǵa materıaldyq kómek jáne zamanaýı quraldarmen jabdyqtalǵan medısınalyq ortalyqta qyzmet kórsetedi. Elektrlik júıeler sehynyń bastyǵy Gennadıı Volkov marapattaldy. Ol burynǵy motoatqyshtar bólimshesiniń pýlemetshisi bolǵan. Qazir kásiporyndaǵy elektrli júıeler sehyn basqarady. Bul kúni aýǵan soǵysyna qatysqan keshegi jaýyngerler, búgingi metallýrgter qalalyq is-sharalarǵa da qatysty. Oblys ortalyǵyndaǵy «Dańq» eskertkishiniń janynda ótken mıtıngte ózderiniń qarýlastaryn eske aldy.
Farıda Byqaı.
Derek, sýret: egemen.kz.
