Medısınalyq qondyrǵylarmen qamtamasyz etti

Búginde Jarma aýdanyndaǵy Áýezov aýyly turǵyndarynyń densaýly­ǵyn saqtaýǵa qolaıly jaǵdaı jasalǵan. Eldi mekenniń turǵyndaryna endi orta­lyqqa qaraı, ıaǵnı О́skemen men Semeı qalalaryndaǵy medısınalyq mekemelerge nemese aýdandyq aýrýhanaǵa júginýdiń asa qajeti joq. Áýezovtikter ýaqyt pen qarajat shyǵyndamaı-aq, týǵan aýyldarynda dárigerlik tekserýden óte alady. Qazirgi kezde aýyl ambýlatorııasynda quny 3 mıllıon teńge turatyn qan quramyn tekserýge arnalǵan qu­ral-jabdyqtar men kóz tonometri bar. Jýyrda atalǵan medısınalyq apparattar Jarma aýdany ákimdigi men «Baqyrshyq taý-ken óndirý kásiporny» JShS arasynda bekitilgen áleýmettik-ekonomıkalyq memorandým sheńberinde ambýlatorııaǵa syıǵa tartyldy. Sonyń arqasynda Áýezov turǵyndary ózge eldi mekenderde kezdese bermeıtin MicroCC-20 Plus gematologııalyq avtomatty analızator apparaty men SOE-metr PR-3 quraly arqyly qan quramyn tekserýge arnalǵan jáne IGD-02 «PRA» markaly kóz ishindegi qysymdy tirkeıtin kóz tonometrine ıe boldy. Qundy syılyqtardy dárigerlik medısınalyq kompanııa jetekshileri saltanatty túrde tabys etti. – «Polımetall» kompanııasy kásiporyn qyzmetkerleri men aýyl turǵyndary jaıly turmys keshýi úshin qoldan kelgen kómekti aıanyp qalmaıdy. Aıtalyq, 2014 jyly dárigerlik ambýlatorııaǵa naýqastardy jedel aýrýhanaǵa jetkizýge jáne bastapqy medısınalyq kómek kór­setýge arnalǵan jedel járdem kóligin tar­tý etken edik. Al 2015 jyly kompanııa jetekshiligi ambýlatorııanyń syrtqy qasbetin jóndeýden ótkizý jáne zamanaýı qajetti qural-jabdyqtar satyp alý jóninde sheshim shyǵardy, – dedi Baqyrshyq taý-ken óndirý kásipornynyń bas dırektory Iýrıı Ovchınnıkov. Jarma aýdanynyń ákimi Nurlan Sy­dy­qov «Polımetall» kompanııasynyń qarapaıym aýyl turǵyndaryna jasaǵan kómegin joǵary baǵalap, óńirdiń áleýmettik jáne ekonomıkalyq damýyna úles qosa berýlerine tilektestigin bildirdi. Dýman ANASh, «Egemen Qazaqstan». Shyǵys Qazaqstan oblysy, Jarma aýdany.